ရွှေကူမြို့တွင် ပေါက်ကွဲမှု ၂ ကြိမ် ဖြစ်ပွား
DVB
·
April 22, 2021
ကချင်ပြည်နယ် ရွှေကူမြို့မှာ ဧပြီ ၂၂ ရက် ည ၈ နာရီလောက်က လက်နက်ကြီးပေါက်ကွဲမှု ၂ ကြိမ် ဖြစ်ပွားခဲ့တယ်လို့ ဒေသခံတွေက ပြောပါတယ်။
ရွှေကူမြို့ ထွေအုပ်ရုံးဝင်းထဲမှာရှိတဲ့ ပြည်သူ့ဝန်ဆောင်မှုရုံး (OSS)နဲ့ အမှတ် ၂ စျေးထိပ် ၃၇ လမ်းထောင့်တို့မှာ ၁၀ မိနစ်လောက်ခြားပြီး ၂ ကြိမ်ပေါက်ကွဲခဲ့တာပါ။
မြေကြီးတုန်ခါတဲ့အထိ ပေါက်ကွဲမှုပြင်းထန်တာကြောင့် အနီးရှိ လူနေအိမ်နဲ့ အဆောက်အအုံ တချို့က မှန်တွေကွဲသွားတယ်လို့ သိရပါတယ်။
အဆိုပါ ပေါက်ကွဲမှုဖြစ်စဉ်မှာ ချိန်ကိုက်မိုင်းလို့ ခန့်မှန်းထားကြပြီး ဘယ်သူ့လက်ချက် ဖြစ်တယ်ဆိုတာ စုံစမ်းဖော်ထုတ်နေဆဲဖြစ်ပြီ လူတွေထိခိုက်မှု မရှိဘူးလို့ သိရပါတယ်။
