ကချင်ပြည်နယ် မြစ်ကြီးနားမြို့တွင်း ကင်းလှည့်နေတဲ့ အကြမ်းဖက်စစ်အာဏာသိမ်း တပ်ဖွဲ့နဲ့ ရဲတပ်ဖွဲ့ ယာဉ်တန်းဟာ နမ်ကျင်ကျေးရွာမှာ မိုင်းခွဲတိုက်ခိုက်ခံရတယ်လို့ မြစ်ကြီးနား ဒေသခံတွေက ပြောပါတယ်။

ဧပြီ ၈ ရက်နေ့ မနက်ပိုင်းမှာ မြစ်ကြီးနားမြို့တွင်း လုံခြုံရေးကင်းလှည့်နေကြတဲ့ အကြမ်းဖက်အာဏာသိမ်းတပ်ဖွဲ့နဲ့ ရဲတပ်ဖွဲ့ ယာဉ်တန်းအား  ကချင်လွတ်မြောက်ရေးတပ်မတော် ကေအိုင်အေ တပ်မဟာ ၂၊ အမှတ် ၁၁ တပ်ရင်းတပ်ဖွဲ့တွေက နမ်ကျင်ကျေးရွာအရောက်မှာ မိုင်းခွဲတိုက်ခိုက်ခဲ့တာဖြစ်ပြီး အကျဆုံးစာရင်းကို စုံစမ်းဆဲဖြစ်တယ်လို့ ကေအိုင်အေ အရာရှိတစ်ဦးက အတည်ပြု‌ပြောပါတယ်။

ကချင်ပြည်နယ် နေရာအနံ့ပြားမှာ  ကေအိုင်အေ နဲ့ အကြမ်းဖက်စစ်ကောင်စီတပ်ဖွဲ့တို့ကြား တိုက်ပွဲပြင်းထန်ကာ စစ်ကောင်စီရဲ့ တပ်စခန်း ၇ ခုလောက်ကို ကေအိုင်အေဘက်က တိုက်ခိုက်သိမ်းပိုက်နိုင်ခဲ့လို့ သိရပါတယ်။