ပဲခူးမြို့ ရွှေမော်ဓောဘုရား တောင်ဘက်မုခ် ဆံတော်တွင်းလမ်းထဲက ဘုန်းကြီးကျောင်းတခုမှာ အကြမ်းဖက်စစ်အုပ်စုက တပ်ဆွဲထားတဲ့အပြင် ဝင်ရောက်လို့ရမယ့် လမ်းတွေကိုလည်း ပိတ်ဆို့ထားတာကြောင့် ပြည်သူတွေ ပိတ်မိနေတယ်လို့ သိရပါတယ်။
အဲဒီလမ်းတွေမှာနေတဲ့ ပြည်သူတွေ ပိတ်မိနေပြီး အပြင်က လာရောက်ကူညီဝန်းရံမယ့်အဖွဲ့တွေ ဝင်မရအောင် ပိတ်ဆို့ခံနေတယ်လို့ ဒေသခံတွေက ပြောပါတယ်။
ဆံတော်တွင်းလမ်းနဲ့မဂ္ဂတစ်လမ်းမှာ ပြီးခဲ့တဲ့ ရက်ကတည်းက အကြမ်းဖက်စစ်အုပ်စုရဲ့ ပစတ်ခတ်မှုကြောင့် သေဆုံး ဒဏ်ရာရသူတွေ အများအပြားရှိခဲ့ပြီး နေ့စဉ် လာရောက်ပစ်နေတာပါ။
အခုလို အကြမ်းဖက်စစ်အုပ်စုကနေ အဲဒီလမ်းကပြည်သူတွေကို ဖျက် ၄ ဖျက်ပုံစံနဲ့ ပိတ်ဆို့ထားပေမယ့် လမ်းအတွင်းမှာပိတ်မိနေတဲ့ လူငယ်တွေက သူတို့လမ်းထဲကို အကြမ်းဖက် စစ်အုပ်စုတွေ အလွတ်တကူဝင်လို့မရအောင် အတားအဆီးတွေကို အခိုင်အမာပြုလုပ်ပြီး အာဏာရှင်ဆန့်ကျင်ရေး ဆန္ဒပြမှုတွေကို ဆက်လက်လုပ်ဆောင်နေကြပါတယ်။
