မန္တလေးတွင် စစ်တပ်နှင့်ရဲ ပစ်ခတ်မှုကြောင့် အမျိုးသမီး ၁ ဦး သေဆုံး
DVB
·
March 14, 2021
မန္တလေးမြို့မှာ မတ်လ ၁၄ ရက်နေ့ ညနေပိုင်းက စစ်တပ်နဲ့ ရဲတပ်ဖွဲ့ရဲ့ အကြမ်းဖက် ပစ်ခတ် သတ်ဖြတ်မှုကြောင့် အမျိုးသမီး ၁ ဦး ဦးခေါင်းကျည်ထိမှန်ပြီး သေဆုံးခဲ့ပါတယ်။
ဒီကနေ့ မနက်ပိုင်းမှာ မြတောင်ကျောင်းတိုက်အတွင်း ဝင်ရောက်ရှာဖွေမှုတွေ ပြုလုပ်ခဲ့တဲ့အပြင် ညနေပိုင်းမှာ ၃၉ လမ်းကနေ ၄၁ လမ်းအထိ ၈၂ လမ်းပေါ်တလျှောက်မှာ စစ်တပ်နဲ့ ရဲတပ်ဖွဲ့က ပိတ်ဆို့ တားဆီးမှုတွေနဲ့အတူ လမ်းတွေတစ်ဝိုက် အသံဗုံးခွဲတာ၊ သေနတ်နဲ့ ပစ်ခတ်တာတွေ ပြုလုပ်ခဲ့တာလို့ ဒေသခံတဦးက ပြောပါတယ်။
သေဆုံးခဲ့တဲ့ အမျိုးသမီးဟာ ၈၅ လမ်းနဲ့ ၄၁ လမ်းတဝိုက်မှာ ကျည်ထိမှန်ခဲ့တာလို့ သိရပါတယ်။
ကျည်ထိမှန် ဒဏ်ရာရသူ တချို့ ရှိပေမယ့်လည်း ဘယ်နှဦးရှိလဲဆိုတာတော့ ဒီဗွီဘီက အတည်မပြုနိုင်သေးပါဘူး။
