ကွမ်းခြံကုန်း ဆန္ဒပြလူထုကို ရဲနှင့်စစ်တပ်က အကြမ်းဖက်ဖြိုခွင်း
DVB
·
March 13, 2021
(မတ်၁၃)
ရန်ကုန်တိုင်း၊ ကွမ်းခြံကုန်းမြို့က အာဏာသိမ်းစစ်အုပ်စုကို ဆန့်ကျင်ကြောင်း ငြိမ်းချမ်းစွာဆန္ဒပြတဲ့ ပြည်သူလူထုကို ရဲနဲ့စစ်တပ်က မတ်လ ၁၃ ရက်မှာ အကြမ်းဖက်ဖြိုခွင်းခဲ့ပါတယ်။
ရဲနဲ့စစ်သား ၃၀ လောက် မြို့နယ်ဘောလုံးကွင်းရှေ့ ဗိုလ်ချုပ်လမ်းမပေါ်မှာ အသံဗုံး ၇ လုံးလောက်နဲ့ ပစ်ခတ်ဖြိုခွင်းခဲ့တာလို့ ဆန္ဒပြသူတဦးက ပြောပါတယ်။
ဒါ့အပြင် အနီးအနားမှာရှိတဲ့ ဒေါ်ခင်ကြည်ဖောင်ဒေးရှင်းက ကျောင်းသားအချို့အပါအဝင် အမျိုးသား ၁ ယောက်နဲ့ အမျိုးသမီး ၅ ယောက် ဖမ်းဆီးခံခဲ့ရပြီး ပြည်သူလုထုအားလုံး စုရုံးတောင်းဆိုခဲ့တဲ့အတွက် အားလုံးကို ပြန်လွှတ်ပေးခဲ့ပါတယ်။
ဆန္ဒပြလူထုကလည်း အနီးအနားက ပစ္စည်းတွေနဲ့ ပင်မလမ်းမကြီးကို တာဆီးခဲ့ပြီး အကာအကွယ်ယူ တော်လှန်ခဲ့ကြကာ ဖမ်းဆီးခံရသူတွေ ပြန်လွှတ်ပေးပြီးနောက် လမ်းပြန်ဖွင့်ပေးခဲ့ကြပါတယ်။
