အင်းစိန်၊ ပေါက်တောဝ သပိတ်မစခင် စစ်တပ်နှင့်ရဲ ဝင်ရောက်ပြီး အတားအဆီးများကို မီးရှို့
DVB
·
March 7, 2021
ဘုရင့်နောင်လမ်း အင်းစိန်ပေါက်တောဝ သပိတ်စတင်ဖို့ ပြင်ဆင်နေတုန်းမှာပဲ ဒီနေ့မနက် ၈ နာရီ ၄၅ မိနစ်မှာ စစ်တပ်နဲ့ရဲကား ငါးစီး ဝင်ရောက်လာတာကြောင့် လူငယ်တွေဟာ ရပ်ကွက်လမ်းတွေထဲ ပြေးဝင်ခဲ့ကြရပါတယ်။
လမ်းပေါ်က အတားအဆီးတွေကိုလည်း စစ်တပ်နဲ့ရဲက မီးရှို့ဖျက်ဆီးခဲ့ပါတယ်။
အင်းစိန်ပေါက်တောဝသပိတ်ကို မတ်လ ၃ ရက်နေ့က စတင်ခဲ့တာဖြစ်ပြီး ဒီနေ့က ငါးရက်မြောက်နေ့ဖြစ်ပါတယ်။မတ်လ ၆ ရက်နေ့သပိတ်မှာ အင်းစိန်လူငယ် ၁၀ ဦးလောက် အဖမ်းခံခဲ့ရပြီး ညပိုင်းမှာ ရဲက ထပ်ဆွဲဖို့ကြိုးစားခဲ့ပေမယ့် တယောက်မှ ပါမသွားဘူးလို့ သပိတ်ဦးဆောင်တဲ့ လူငယ်တွေက ပြောပါတယ်။
