ရဲအင်အားအလုံးအရင်းဖြင့် ရွှေဘိုတက္ကသိုလ်အတွင်းဖျက်ဆီးဝင်ရောက်
DVB
·
March 7, 2021
စစ်ကိုင်းတိုင်းဒေသကြီး၊ ရွှေဘိုမြို့ ပင်မတက္ကသိုလ်ကို မတ် ၆ ရက် ညနေ ၄ နာရီလောက်က ရဲကား ၄ စီး စတင်ရောက်လာခဲ့တာဖြစ်ပြီး ည ၈ နာရီလောက်မှာ ရဲအင်အား အလုံးအရင်း ထပ်ရောက်လာကာ ဂိတ်လုံခြုံရေးတွေကို တံခါးဖွင့်ခိုင်းခဲ့ပါတယ်။
လုံခြုံရေးတွေက အတတ်နိုင်ဆုံး ကာကွယ်ပြီး ဖွင့်မပေးခဲ့ပေမဲ့ ည ၉ နာရီလောက်မှာတော့ ရဲတပ်ဖွဲ့ဝင်တွေက တက္ကသိုလ် အနောက်ဘက် သပြေညိုတံခါးကို ဖျက်ဆီးပြီး ဝင်ရောက်လာကြတာလို့ သိရပါတယ်။
တက္ကသိုလ်အတွင်း ဝန်ထမ်းအိမ်ရာမှာ မိသားစုလူဦးရေ ၁၀၀ လောက်အထိ ရှိတယ်လို့ သိရပြီး လတ်တလော ဖုန်းဆက်သွယ်လို့ မရသေးတဲ့အတွက် အတွင်းမှာ ဘာဖြစ်တယ်ဆိုတာ မသိရသေးဘူးလို့ သူတို့ရဲ့မိသားစုဝင်တွေက ပြောပါတယ်။
