မန္တလေးတွင် စစ်အာဏာရှင်ပြုတ်ကျရေး ဆန္ဒပြသူများကို စစ်တပ်နှင့်ရဲက လိုက်လံဖမ်းဆီးနေ
DVB
·
February 27, 2021
မန္တလေးမှာ ဖေဖော်ဝါရီ ၂၇ ရက်နေ့ မနက်ပိုင်းက စတင်ပြီး အာဏာရှင်ပြုတ်ကျရေး ငြိမ်းချမ်းစွာ ဆန္ဒပြသူတွေကို စစ်တပ်နဲ့ ရဲတပ်ဖွဲ့က လိုက်လံဖမ်းဆီးနေပါတယ်။
၃၅ လမ်း ရှမ်းတိုင်းရင်းသားများ သာရေးနာရေးအသင်းရုံးအနီးမှာ လူငယ်တွေကို ဖမ်းဆီးခေါ်ဆောင်တဲ့အပြင် ကားတွေ၊ ဆိုင်ကယ်တွေကိုလည်း ကရိန်းတွေနဲ့ တင်သွားတာကို တွေ့ရပါတယ်။
ဒါ့အပြင် မြတောင်ကျောင်းတိုက်ရှေ့မှာလည်း စစ်ကားတွေ၊ ရဲကားတွေနဲ့ ပိတ်ထားကြပြီး မန္တလေးတိုင်းဒေသကြီး အမျိုးသားဒီမိုကရေစီအဖွဲ့ချုပ်ရုံးရှေ့က လူစုလူဝေးကို ခွဲကာ အဖွဲ့ချုပ် ဒုတိယဥက္ကဋ္ဌ ပြည်သူ့လွှတ်တော်ကိုယ်စားလှယ် ဒေါ်ဝင်းမြမြ အပါအဝင် ပါတီဝင်တချို့ကို ဖမ်းခေါ်သွားခဲ့ပါတယ်။
စစ်တပ်နဲ့ ရဲတပ်ဖွဲ့အနေနဲ့ သတင်းမီဒီယာသမားတွေ ဓာတ်ပုံရိုက်သူတွေကို လေးခွနဲ့ ပစ်တာတွေလည်း ရှိပါတယ်။
