ပျဉ်းမနား ရှမ်းကန်ရှိ ဗိုလ်ကြေးရုပ်ရှေ့မှာ စစ်အာဏာရှင်ဆန့်ကျင်ရေး ဆန္ဒထုတ်ဖော်သူတွေက SAVE MYANMAR ရေးဆွဲတာကို ရဲတပ်ဖွဲ့က လာရောက်တားဆီးခဲ့တယ်လို့ သိရပါတယ်။

နေပြည်တော်မှာ စစ်အာဏာရှင်ဆန့်ကျင်ရေးဆန္ဒထုတ်ဖော်နေတဲ့ ပြည်သူတွေက ဖေဖော်ဝါရီ ၁၈ ရက်နေ့ မနက်ပိုင်းက အခုလို စာလုံးရေးဆွဲတာ ဖြစ်ပါတယ်။

စာလုံးရေးဆွဲနေစဉ် ရဲတပ်ဖွဲ့အရာရှိတစ်ချို့က လာရောက်တားဆီးခဲ့ပေမယ့် ဆန္ဒပြပြည်သူတွေက စာလုံးရေး ဆွဲနေတာကို ဝိုင်း၀န်ကာဆီးပေးခဲ့တာကြောင့် စာလုံးရေးဆွဲတာ ပြီးစီးခဲ့ပါတယ်။

စာလုံးရေးဆွဲမှုအပြီးမှာ ရဲတပ်ဖွဲ့၀င် အင်အားအများအပြားက လာရောက် တားဆီးပိတ်ဆို့ခဲ့ပြီး SAVE MYAN MAR စာလုံးကို ဖျက်ဆီးပစ်ခဲ့ကြပါတယ်။

မနေ့က ညနေပိုင်းကလည်း ပျဉ်းမနားမြို့အထွက်က ကိုဗစ်ပညာပေး ကျေးတောသူရုပ်ရှေ့မှာလည်း WE WANT DEMOCRACY စာလုံး ရေးဆွဲနေတာကို ရဲတပ်ဖွဲ့၀င်တွေနဲ့ စစ်သားတွေက လာရောက်တားဆီးခဲ့တာကြောင့် စာလုံးပြီးအောင် မရေးနိုင်ခဲ့ဘဲ ဖျက်ဆီးခံခဲ့ရပါတယ်။