သန်လျင်တံတားတွင် လုံခြုံရေးအင်အားတိုးပြီး သံဆူးကြိုးများဖြင့် ပိတ်ဆို့ထား
DVB
·
February 9, 2021
သန်လျင်-ရန်ကုန် တံတားအတက်မှာ စစ်အာဏာရှင်အလိုမရှိကြောင်း ဆန္ဒပြသူတွေ သွားလို့မရအောင် ဒီနေ့မနက် လုံခြုံရေးအင်အားတိုးမြင့်ပြီး သံဆူးကြိုးတွေနဲ့ ကာရံကာ တံတားပေါ်ဖြတ်သွင်းခွင့်မပြုဘူးလို့ သိရပါတယ်။
တံတားပေါ်မှာလည်း ရဲကားတွေနဲ့ ပိတ်ဆို့ထားပါတယ်။
ဆန္ဒပြသူတွေက ရဲတွေက ပြည်သူပါပဲဆိုပြီး ပြည်သူ့ရဲ ပြည်သူ့ရဲ၊ ဗိုလ်ချုပ်ပေးတဲ့စစ်ပညာ ပြည်သူတွေကို သတ်ဖို့မဟုတ်ဘူး၊ အာဏာရှင်စနစ်ကျဆုံးရေး၊ စစ်မှန်သော ဒီမိုကရေစီရရှိရေး၊ အမေစုကျန်းမာပါစေ စတဲ့ကြွေးကြော်သံတွေ ဟစ်ကြွေး ဆန္ဒပြနေကြပါတယ်။
ဒီမနက် ၈ နာရီ ၁၅ မိနစ်လောက်မှာ လုံခြုံရေးရဲတွေက အတားအဆီးတွေကို ဖယ်ရှားပြီး ဆန္ဒပြပြည်သူတွေကို သွားခွင့်ပြုလိုက်ပါတယ်။
