မြန်မာနိုင်ငံမှာ ဒီလဆန်းက စစ်တပ်က အာဏာသိမ်းပြီးတဲ့နောက် ဆန္ဒပြမှုတွေ နေရာအနှံ့ဖြစ်ပွားနေရာမှာ ထိုင်းနိုင်ငံကို အကြောင်းအမျိုးမျိုးနဲ့ရောက်ရှိနေတဲ့ မြန်မာနိုင်ငံသားတွေဟာလည်း မြန်မာသံရုံးမှာ ရက်ခြားဆိုသလို သွားရောက်ဆန္ဒပြခဲ့ပါတယ် ။
ယမန်နေ့ ( ဖေဖော်ဝါရီလ ၇ ရက် ) နေ့မှာလည်း ဘန်ကောက်မှာရှိတဲ့ UN ကမ္ဘာ့ကုလသမဂ္ဂ ရုံးရှေ့မှာရော မြန်မာသံရုံးရှေ့မှာပါ ၂ နေရာ သွားရောက်ဆန္ဒပြခဲ့ပါတယ် ။
UN ကမ္ဘာ့ကုလသမဂ္ဂ ရုံးရှေ့ ဆန္ဒပြပွဲကို နေ့ခင်း ၁၂ ကျော်ကတည်းကနေ ညနေ ၄ နာရီထိ ပြုလုပ်ခဲ့ပြီး မြန်မာရွှေ့ပြောင်းလုပ်သား ၊ သံဃာတော်များ ၊ ကျောင်းသားများနဲ့ စီးပွားရေးသမားတွေပါ စုစုပေါင်း လူ ၃၀၀ လောက် ပါဝင်ခဲ့ကြပါတယ် ။
ညနေ ၆ နာရီကျော်မှာတော့ မြန်မာသံရုံးရှေ့မှာ ကမ္ဘာမကြေဘူးသီချင်းကို ပြိုင်တူသီဆိုပြီး ဖယောင်းတိုင်မီး ထွန်းညှိတာ ၊ လက်ကိုင်ဖုန်း မီးဖွင့်တာတွေလုပ်ပြီး ထပ်မံဆန္ဒပြခဲ့ပါတယ် ။
ဆန္ဒပြတဲ့နေရာကို ယန်နာဝါနယ်မြေရဲတပ်ဖွဲ့အင်အား ၅၀ ကျော် လာရောက်စောင့်ကြပ်ခဲ့ပါတယ်။
Source: prachatai.com
