မင်းလှတွင် အန်အယ်လ်ဒီပါတီ ထောက်ခံသူများ အင်အားပြ (ဓာတ်ပုံ)
DVB
·
October 18, 2020
ပဲခူးတိုင်း၊ မင်းလှမြို့နယ်မှာ အောက်တိုဘာ ၁၈ ရက် မနက်က အမျိုးသားဒီမိုကရေစီအဖွဲ့ချုပ် အန်အယ်လ်ဒီပါတီကို ဝန်းရံထောက်ခံသူတွေ ထောင်နဲ့ချီ လှည့်လည်အင်အားပြကြပါတယ်။
မင်းလှမြို့တွင်းကနေ စတင်ထွက်ခွာပြီး ရန်ကုန်-ပြည်ကားလမ်းတလျှောက် ဇီးကုန်းမြို့ထိ ဆိုင်ကယ်တွေ၊ ကားတွေနဲ့ အင်အားပြ လှည့်လည်ခဲ့တာလို့ လှည်လည့်ရာမှာ ပါဝင်တဲ့ ကိုရဲသူအောင်က ပြောပါတယ်။
မင်းလှမြို့နယ်မှေ အန်အယ်လ်ဒီပါတီဝန်းရံသူတွေက ခုလိုလှည့်လည်ဝန်းရံအင်အားပြတာ ၅ ကြိမ်မြောက်ရှိသွားပြီလို့ သိရပါတယ်။
မင်းလှမြို့နယ်အတွင်း ၂၀၂၀ ရွေးကောက်ပွဲမှာ ပြည်ထောင်စုကောင်းကျိုးဆောင်ပါတီ၊ မြန်မာနိုင်ငံတောင်သူလယ်သမား ဖွံ့ဖြိုးတိုးတက်ရေးပါတီ၊ အမျိုးသားဒီမိုကရေစီအဖွဲ့ချုပ်ပါတီ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီစတဲ့ ပါတီ ၄ ခု ဝင်ရောက်ယှဉ်ပြိုင်မှာဖြစ်ပါတယ်။
