ကိုဗစ်-၁၉ လူနာအသစ် ၁,၄၀၀ ဦးတွင် ရန်ကုန်တိုင်းက ၁,၂၅၈ ဦးပါဝင်
DVB
·
October 8, 2020
မနေ့ညက ထုတ်ပြန်ခဲ့တဲ့ ကိုဗစ်-၁၉ ပိုးတွေ့လူနာအသစ် ၁,၄၀၀ ယောက်ထဲမှာ ၁,၂၅၈ ယောက်ကတော့ ရန်ကုန်တိုင်းက ဖြစ်တယ်လို့ ကျန်းမာရေးနှင့် အားကစားဝန် ကြီးဌာနရဲ့ ဒီကနေ့ညနေ ၅ နာရီအချိန် ထုတ်ပြန်ချက်အရ သိရပါတယ်။
ခုတွေ့ရှိရတဲ့ ကိုဗစ်-၁၉ ပိုးတွေ့လူနာတွေထဲမှာ ရန်ကုန်တိုင်းမြို့နယ်တွေထဲက မရမ်းကုန်းမြို့နယ်မှာ ၂၁၇ ယောက်၊ လှိုင်သာယာမြို့နယ်မှာ ၁၂၁ ယောက်၊ အင်းစိန် မြို့နယ်မှာ ၁၁၀ ယောက်နဲ့ အများဆုံးဖြစ်ပြီး စုစုပေါင်း မြို့နယ် ၃၉ မြို့နယ် ပါဝင်နေတာ ဖြစ်ပါတယ်။
ကျန်တဲ့ တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ မန္တလေးတိုင်း မြို့နယ် ၁၀ ခုမှာ ၂၅ ယောက်၊ ရခိုင်ပြည်နယ်မြို့နယ် ၃ ခုမှာ ၇ ယောက်၊ ပဲခူးတိုင်းမြို့နယ် ၈ ခုမှာ ၂၇ ယောက်၊ ဧရာဝတီတိုင်းမြို့နယ် ၈ ခုမှာ ၂၉ ယောက်၊ မွန်ပြည်နယ်မြို့နယ် ၆ ခုမှာ ၁၇ ယောက်၊ မကွေးတိုင်းမြို့နယ် ၄ ခုမှာ ၄ ယောက်၊ နေပြည်တော်မြို့နယ် ၆ ခုမှာ ၉ ယောက်၊ ရှမ်းပြည်နယ်(တောင်ပိုင်း)မြို့နယ် ၃ ခုမှာ ၉ ယောက်၊ ကချင်ပြည်နယ်မြို့နယ် ၁ ခုမှာ ၁ ယောက်၊ စစ်ကိုင်းတိုင်းမြို့နယ် ၅ ခုမှာ ၇ ယောက်၊ ကရင်ပြည်နယ်မြို့နယ် ၂ ခုမှာ ၂ ယောက်၊ ချင်းပြည်နယ်မြို့နယ် ၁ ခုမှာ ၁ ယောက်နဲ့ ရှမ်းပြည်နယ်(မြောက်ပိုင်း)မြို့နယ် ၃ ခုမှာ ၄ ယောက် အသီးသီး တွေ့ရှိခဲ့ရတာ ဖြစ်ပါတယ်။
အတည်ပြုလူနာတွေထဲက ဧရာဝတီတိုင်းက လူနာ ၅ ဦးနဲ့ စစ်ကိုင်းတိုင်းက ၂ ဦးက ရန်ကုန်တိုင်းမှာ ဆေးရုံသမှုခံသူတွေသူတွေ ဖြစ်ပါတယ်။
မြန်မာနိုင်ငံမှာ အောက်တိုဘာလ ၇ ရက်နေ့ည ၈ နာရီအထိ မြန်မာနိုင်ငံမှာ ကိုဗစ် -၁၉ အတည်ပြုလူနာစုစုပေါင်း၂၁,၄၃၃ ယောက် ၊ သေဆုံးသူ ၅၁၀ ယောက်နဲ့ ဆေးရုံက ဆင်းခွင့်ရသူပေါင်း ၆,၀၈၄ ယောက် ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
