မူဆယ်မြို့တွင် ဝါယာကြိုး အပူလွန်ကဲပြီး မီးလောင်မှု ဖြစ်ပွား
DVB
·
September 24, 2020
ရှမ်းပြည်နယ်မြောက်ပိုင်း၊ မူဆယ်မြို့၊ ကောင်းမှုတုံရပ်ကွက်၊ ဆင်ဖြူဈေးရှိ တိုက်ခန်းအမှတ် (၁၉)၊ နှစ်ထပ်တိုက် အပေါ်ထပ်မှာ စက်တင်ဘာ ၂၃ ရက်မနက်က လျှပ်စစ် ဝါယာကြိုးရှော့ခ်ဖြစ်ကာ အပူလွန်ကဲပြီး မီးလောင်မှု ဖြစ်ပွားခဲ့တယ်လို့ မူဆယ်မြို့နယ် မီးသတ်တပ်ဖွဲ့က သိရပါတယ်။
မနက် ၃ နာရီလောက်က စတင်လောင်ကျွမ်းခဲ့ပြီး မနက် ၄ နာရီမှာ မီးငြှိမ်းသတ်နိုင်ခဲ့တယ်လို့ သိရပါတယ်။
ဆိုင်ကယ်အပိုပစ္စည်းတွေ ဘက်ထရီတွေ မီးလောင်ကျွမ်းခဲ့ပြီး ကာလတန်ဖိုး ကျပ် ၄ သိန်းခွဲဖိုးလောက် ပျက်စီးဆုံးရှုံးခဲ့တယ်လို့ မူဆယ်မြို့နယ် မီးသတ်တပ်ဖွဲ့က ပြောပါတယ်။
မီးလောင်မှုနဲ့ ပတ်သက်ပြီး စိစစ်အရေးယူ ဆောင်ရွက်နိုင်ဖို့ မြို့မစခန်းမှူးက စစ်ဆေးနေတယ်လို့ သိရပါတယ်။
သတင်း- Pra Jaw
