ကျိုက်မရော ချောင်းနှစ်ခွ အ.ထ.က စာသင်ကျောင်း မိုးကြိုးပစ်ခံရပြီး မီးလောင် (ဓာတ်ပုံ)
DVB
·
August 28, 2020
မွန်ပြည်နယ်၊ ကျိုက်မရောမြို့နယ်၊ ချောင်းနှစ်ခွ အ.ထ.က စာသင်ကျောင်း ဒီနေ့မနက် ၇ နာရီ ၁၅ မိနစ်လောက်က မိုးကြိုးပစ်ခံရပြီး မီးလောင်မှုဖြစ်ပွားခဲ့တယ်လို့ သိရပါတယ်။
မီးလောင်မှု ဖြစ်ပွားရာကို ကျိုက်မရောမြို့နယ်မီးသတ်စခန်းက မီးသတ်ယာဉ် ၂ စီး၊ မုဒုံနယ်မြေမီးသတ်စခန်းက မီးသတ်ယာဉ် ၁ စီး၊ ကျွန်းရွာအရန်မီးသတ်စခန်းက မီးသတ်ယာဉ် ၂ စီး၊ ကရင်ပြည်နယ်၊ ကြာအင်းဆိပ်ကြီးမြို့နယ် သံပုရာနယ်မြေမီးသတ်စခန်းက မီးသတ်ယာဉ် ၁ စီးတို့နဲ့ သွားရောက်ငြှိမ်းသတ်ခဲ့ရာ မနက် ၈း၂၅ အချိန်မှာ မီးငြိမ်းသွားတယ်လို့ မီးသတ်တပ်ဖွဲ့က ထုတ်ပြန်ထားပါတယ်။
စာသင်ကျောင်း မိုးကြိုးပစ်ခံရပြီး မီးလောင်မှုကြောင့် ထိခိုက်ဒဏ်ရာရသူ ရှိမရှိတော့ မသိရသေးပါဘူး။
