မုံရွာမြို့တွင် ချင်းတွင်းမြစ်ထဲ ရေဆင်းချိုးသည့် လူငယ် ၁ ဦး ရေနစ်ပျောက်ဆုံးနေ
DVB
·
August 17, 2020
မုံရွာမြို့၊ အေးသာယာရပ်ကွက် ချင်းတွင်းမြစ်ကူးတို့ဆိပ်အနီးမှာ ဩဂုတ်လ ၁၆ ရက် ညနေက လူငယ်တစ်ဦး ရေနစ်ပြီး ပျောက်ဆုံးနေတယ်လို့ သိရပါတယ်။
ပျောက်ဆုံးနေသူဟာ အသက် ၂၀ အရွယ်ရှိ ကိုသားကြီးဆိုသူ ဖြစ်ပြီး အေးသာယာရပ်ကွက် နယ်မြေ (၂)မှာ နေထိုင်သူတစ်ဦး ဖြစ်ပါတယ်။
“သူငယ်ချင်းနှစ်ယောက် ရေဆင်းချိုးရင်း နစ်တာပါ။ ရေနစ်တဲ့ ညနေကစပြီး ညထိရှာတာ အခုထိ မတွေ့ရသေးဘူး။ ရေက တော်တော်စီးတယ်”လို့ ရှာဖွေကယ်ဆယ်ရေး ဆောင်ရွက်နေသူ ကိုဝင်းမင်းထက်က ပြောပါတယ်။
လတ်တလောမှာ မြို့နယ်မီးသတ်တပ်ဖွဲ့တွေနဲ့ ပရဟိတအဖွဲ့တွေ ပူးပေါင်းပြီး ရှာဖွေနေဆဲ ဖြစ်ပါတယ်။
ပြီးခဲ့တဲ့ ဇွန်လ ၄ ရက်နေ့ကလည်း မုံရွာမြို့ ချင်းတွင်းမြစ်ထဲမှာ တစ်ရက်တည်း လူငယ် ၆ ဦး ရေနစ်သေဆုံးခဲ့ပါတယ်။
သတင်း- ရန်နိုင်စိုး
