ဧရာဝတီတံတား (ရတနာပုံ) ပေါ်က အမျိုးသား ၁ ဦး ခုန်ချ
DVB
·
August 11, 2020
မန္တလေးမြို့နဲ့ စစ်ကိုင်းမြို့ကို ဆက်သွယ်ထားတဲ့ ဧရာဝတီတံတား (ရတနာပုံ) ပေါ်ကနေ သြဂုတ် ၁၁ ရက် မွန်းလွဲ ၂ နာရီခွဲလောက်က အမျိုးသားတစ်ဦး ခုန်ချခဲ့ပါတယ်။
တံတားပေါ်က ခုန်ချသူဟာ အသက် ၃၉ နှစ်အရွယ် အမျိုးသား တစ်ဦး ဖြစ်ပြီး အရက်အလွန်အကျွံသောက်ကာ အရက်ကြောင်နေသူဖြစ်တယ်လို့ အရေးပေါ်ကယ်ဆယ်ရေးအဖွဲ့ (စစ်ကိုင်း) အတွင်းရေးမှူး ကိုစိုးမင်းဦးက ပြောပါတယ်။
ကယ်ဆယ်ရေးသမားတွေက သတင်းရရချင်းသွားရောက်ခဲ့ပေမယ့် အချိန်မမီလိုက်ပဲ အခုအခါ မီးသတ်တပ်ဖွဲ့နဲ့ ပူးပေါင်းပြီး ရေပြင်ရှာဖွေရေးလုပ်ဆောင်နေတယ်လို့ သိရပါတယ်။
သတင်း - နိုင်လင်းဦး
