ကော့သောင်းမြို့တွင် မိုးကြီးပြီး မြေပြိုကျမှုဖြစ်
DVB
·
August 1, 2020
တနင်္သာရီတိုင်း ကော့သောင်းမြို့မှာ ဇူလိုင် ၃၁ ရက်နေ့ညပိုင်းက မိုးကြီးပြီး မြေပြိုတာကြောင့် လူနေအိမ်တလုံး ပျက်စီးခဲ့တယ်လို့ မြို့နယ်မီးသတ်ဦးစီးဌာက သိရပါတယ်။
ကော့သောင်းမြို့ ရွှေဇင်ယော်ရပ်ကွက်၊ ပုလဲတောင်ကုန်းမှာ မိုးရွာသွန်းနေစဉ်မှာ မြေပြိုကျပြီး လူနေအိမ်တလုံး ပြိုကျခဲ့တာပါ။ ပြိုကျသွားတဲ့ အိမ်ကို တာဝန်ရှိသူတွေက ကူညီဆောင်ရွက်ပေးနေတယ်လို့ ဆိုပါတယ်။
အဲဒီအိမ်မှာ မိသားစုဝင် ၇ ဦးရှိပြီး အိမ်ပြိုကျနေချိန် အိမ်ရှိလူဝွေ အပြင်မှာ ဈေးရောင်းနေတဲ့အချိန် ဖြစ်တာကြောင့် လူထိခိုက်တာတော့ မရှိဘူးလို့ မျက်မြင်တွေ့သူတဦးက ပြောပါတယ်။
မြေပြိုကျရာကို မီးသတ်တပ်ဖွဲ့ကြက်ခြေနီတပ်ဖွဲ့ရဲ့တပ်ဖွဲ့နဲ့ တာဝန်ရှိသူတွေက ရွှေ့ပြောင်း ကူညီပေးခဲ့တယ်လို့ သိရပါတယ်။
လတ်ကိုကိုဦး
