မြစ်ကမ်းပါးပြိုကျသဖြင့် ဟင်္သာတ ဖောင်ဆိတ်ရွာတွင် နေအိမ် ၃၄ လုံး ပြောင်းရွှေ့ရ
DVB
·
July 25, 2020
ဧရာဝတီတိုင်း၊ ဟင်္သာတမြို့နယ် ဖောင်ဆိတ်ကျေးရွာမှာ မြစ်ကမ်းပါးပြိုကျတာကြောင့် လူနေအိမ်တွေ ရွှေ့ပြောင်းနေရတာ အိမ်ခြေ ၃၄ အိမ်ရှိနေပြီလို့ သိရပါတယ်။
ဇူလိုင် ၁ ရက်နေ့က စတင်ပြီး ရေစွယ်ထိုးလာခဲ့တာကြောင့် ကမ်းပါးတွေ ပြိုကျခဲ့တဲ့အတွက် မလွတ်တဲ့ အိမ်တွေကို ဖျက်ပြီး ဘေးလွတ်တဲ့နေရာတွေမှာ တဲလေးတွေထိုး နေနေကြတယ်လို့ သိရပါတယ်။
သဘာဝဘေးအန္တရယ်စီမံခန့်ခွဲရေးဌာနက ပထမတင်ထားတဲ့ အိမ်ခြေ ၁၇ လုံးအတွက် ထောက်ပံ့ငွေ ၁,၈၃၆,၅၀၀ ကျပ်ကို ထောက်ပံ့ပေးခဲ့တယ်လို့ အိမ်ပျက် အုပ်ချုပ်ရေးမှူး ဦးဝင်းမြင့်က ပြောပါတယ်။
ဒါ့အပြင် နောက်ထပ်ဖျက်ပြီး ပြောင်းရွှေ့ထားတဲ့ အိမ်တွေအတွက်လည်း ထပ်မံတင်ပြထားတာတွေ ရှိတယ်လို့လည်း ဆိုပါတယ်။
ရွာခံတဦးက “ကျနော်တို့ရွာကို တည့်တည့်ကြီး ရေစွယ်က ထိုးနေတဲ့အတွက် ဒီအတိုင်း ဆက်ပြီး ရေစွယ်သာ ထိုးနေခဲ့မယ်ဆိုရင်တော့ ဟင်္သာတမြို့တောင်မှ စိုးရိမ်ရတယ်” လို့ ပြောပါတယ်။
