ကျောက်ပန်းတောင်း တောင်သူများအတွက် ကိုဗစ်-၁၉ အထူးချေးငွေ ထုတ်ပေး
DVB
·
June 26, 2020
လယ်ယာကုန်ထုတ်လုပ်မှု တိုးတက်စေဖို့ ရည်ရွယ်ပြီး မန္တလေးတိုင်း ကျောက်ပန်းတောင်းမြို့ မြန်မာ့လယ်ယာဖွံ့ဖြိုးရေးဘဏ်ကနေ တောင်သူလယ်သမားတွေအတွက် ကိုဗစ်-၁၉ အထူးချေးငွေ စတင်ထုတ်ချေးပေးနေတယ်လို့ လယ်ယာဖွံ့ဖြိုးရေးဘဏ် တာဝန်ရှိသူက ပြောပါတယ်။
ကျောက်ပန်းတောင်းမြို့နယ်ထဲမှာ ကိုဗစ်-၁၉ အထူးချေးငွေအဖြစ် မိုးရာသီ သီးနှံလျာထားချက်အတိုင်း ကျေးရွာအုပ်စု ၉၁ အုပ်စုက တောင်သူ ၁၃၇၀၀ တို့အတွက် တစ်ဧကကို ၅ သောင်းနှုန်းနဲ့ စုစုပေါင်းစိုက်ပျိုး ဧက ၆ ထောင်အတွက် ဇွန် ၂၃ ရက်က စတင်ထုတ်ချေးပေးနေတာပါ။
ဒါကြောင့် ကျောက်ပန်းတောင်းမြို့နယ်မှာ စုစုပေါင်း ချေးငွေ သိန်း ၃၀၀၀ ထောင်ဖြစ်ပြီး ကိုဗစ်-၁၉ ဖြစ်ပွားနေတဲ့ကာလမှာ မြန်မာနိုင်ငံရဲ့ လယ်ယာ စိုက်ပျိုးရေးကဏ္ဍအပေါ်မှာ အတိုင်းတာတခုအထိ ထိခိုက်မှုရှိလာနိုင်တဲ့အတွက် အခုလို ဆောင်ရွက်ရတာလို့ တာဝန်ရှိသူတွေက ပြောပါတယ်။
လက်ရှိမှာတော့ ကျောက်ပန်းတောင်းမြို့နယ်အတွင်းက ကျေးရွာအုပ်စု ၅၈ စုက တောင်သူတွေကို ထုတ်ချေးပြီးသွားပြီးဖြစ်ကာ နောက်ထပ် ၄၃ အုပ်စု ကျန်ရှိနေသေးတယ်လို့ လယ်ယာဖွံ့ဖြိုးရေးဘဏ်ရဲ့ စာရင်းအချက်လက်တွေအရ သိရပါတယ်။
ဒါ့အပြင် အခုလို ချေးငွေထုတ်ပေးတဲ့နေရာမှာ ကိုဗစ်-၁၉ ဖြစ်ပွားနေတဲ့ကာလအတွင်း လူစုလူဝေးမဖြစ်စေဖို့ ကျောက်ပန်းတောင်းမြို့က ကိုဗစ်-၁၉ စေတနာ့ဝန်ထမ်း လူငယ်တွေက နေ့စဉ်ကူညီပေးနေတယ်လို့ သိရပါတယ်။
ဇေယျ (နတ်မောက်)
