ဆိပ်ဖြူတွင် ၂ ရက်အတွင်း လေပြင်းကြောင့် နေအိမ်အဆောက်အဦ ၄၂ လုံး အမိုးလန်ပျက်စီး
DVB
·
April 27, 2020
မကွေးတိုင်း၊ ဆိပ်ဖြူမြို့နယ်မှာ နှစ်ရက်အတွင်း လေပြင်းကြောင့် နေအိမ် အဆောက်အဦး ၄၂ လုံး အမိုးလန် ပျက်စီးခဲ့တယ်လို့ သိရပါတယ်။
ဆိပ်ဖြူမြို့နယ်မှာ မနေ့ နေ့လယ် ၃ နာရီခွဲ အချိန်လောက်က လေပြင်းတိုက်ခတ်မှုကြောင့် နေအိမ် ၈ လုံးနဲ့ စာသင်ကျောင်း ၁ ကျောင်း အမိုးလန်ပျက်စီးခဲ့ပါတယ်။
အဲ့ဒီ လေပြင်းတိုက်ခတ်မှုကြောင့် ဆိပ်ဖြူမြို့နယ် ကုန်းရွာ စာသင်ကျောင်းအမိုး လန်ပျက်စီးခဲ့သလို နေအိမ် ၇ လုံးအမိုးလန်ပျက်စီးပြီး ၁ လုံး ပြိုကြခဲ့ကာ သစ်ပင်တွေလည်း ကျိုးကျ လဲပြိုခဲ့ပါတယ်။
ဧပြီ ၂၅ ရက် နေ့လယ်ပိုင်းကလည်း လေပြင်းကြောင့် နေအိမ်နဲ့ အဆောက်အဦ ၃၃ လုံး အမိုးလန်ပျက်စီးခဲ့ရပြီး မိုးပြိုးပစ်လို့ ၃ ကောင် သေဆုံးခဲ့ရပါတယ်။
ဒါကြောင့် ဆိပ်ဖြူမြို့နယ်အတွင်းမှာ နှစ်ရက်အတွင်း လေပြင်းကြောင့် နေအိမ်နဲ့ စာသင်ကျောင်း ၄၂ ခု အမိုးလန်ပျက်စီးခဲ့ရပြီး ဆုံးရှုံးမှုတန်ဖိုး ၄၅ သိန်းကျော်အထိ ပျက်စီးဆုံးရှုံးခဲ့တယ်လို့ သဘာဝဘေးအန္တရာယ် ကြိုတင်ကာကွယ်ရေး စီမံခန့်ခွဲမှုဦးစီးဌာန စာရင်းတွေအရ သိရပါတယ်။
