နေပြည်တော် အဝင်အထွက် ဂိတ်အားလုံးတွင် ကျန်းမာရေးစစ်ဆေးမည်
အောင်ကိုကိုလတ် (နေပြည်တော်)
·
April 14, 2020
နေပြည်တော် အဝင်အထွက်ဂိတ်တွေ အားလုံးမှာ COVID-19 ရောဂါ ကာကွယ် ထိန်းချုပ်ရေးအတွက် ကျန်းမာရေး စစ်ဆေးသွားမယ်လို့ သိရပါတယ်။
ကျန်းမာရေးနဲ့ အားကစားဝန်ကြီးဌာနရဲ့ ဒု ညွှန်ကြားရေးမှူး ဒေါက်တာမြတ်ဝဏ္ဏစိုးက "နေပြည်တော် ဝင်ထွက်ဂိတ် အာလုံးပေါ့ ပွိုင့် ငါးပွိုင့် အကုန်မှာ စစ်ဆေးမှာပါ။ ညနေဆို စစ်ဆေးနိုင်ပြီဖြစ်ပါတယ်။ ကိုယ်အပူချိန်တိုင်းတာ စစ်ဆေးမှာပါ။ မြို့နယ်တွေအာလုံးကိုလည်း ညွှန်းကြားထားပြီး ဖြစ်ပါတယ်"လို့ ပြောပါတယ်။
နေပြည်တော်ကို ဝင်ထွက်ဂိတ် ၅ နေရာဖြစ်တဲ့ နေပြည်တော် အမြန်လမ်းတိုးဂိတ် (မိုင် ၂၀၀)၊ တောင်ညိုအမြန်လမ်းတိုးဂိတ်၊ သာဝတ္ထိဂိတ်၊ တပ်ကုန်းဂိတ်နဲ့ တပ်ကုန်း-ကင်းသာ ပင်လောင်းလမ်းခွဲဂိတ်တွေမှာ စစ်ဆေးမှာဖြစ်ပါတယ်။
ဒါ့အပြင် နေပြည်တော်ကို ဝင်လာသူတွေကို အချက်အလက်ရယူ စစ်ဆေးဖို့ သက်ဆိုင်ရာက ညွှန်ကြားထားတယ်လို့ နေပြည်တော်ကောင်စီ ဒုမြို့တော်ဝန်က သူ့ရဲ့ လူမှုကွန်ရက် ဖေ့စ်ဘွတ်ခ်မှာ ရေးသားထားပါတယ်။
