အမေရိကန်တွင်နေထိုင်သူ ၂၆၇ ဦးကို သီးသန့်လေယာဉ်ဖြင့် ပြန်ခေါ်ယူ
DVB
·
April 7, 2020
အမေရိကန်နိုင်ငံသားတွေနဲ့ အမေရိကားမှာ နေထိုင်သူ ၂၆၇ ဦးဟာ အမေရိကန်အစိုးရက စီစဉ်ပေးတဲ့ သီးသန့်လေယာဉ်နဲ့ ဧပြီ ၆ ရက်က ရန်ကုန်အပြည်ပြည်ဆိုင်ရာ လေဆိပ်ကနေ နေရပ်ပြန်သွားကြပါတယ်။
နေရပ်ပြန်သွားသူတွေ ကိုယ်စိတ်နှစ်ပါး ကျန်းမာ ဘေးအန္တရာယ်ကင်းရှင်းစွာ အိမ်ပြန်ရောက်ဖို့ ဆုမွန်ကောင်းတောင်းတဲ့အကြောင်းနဲ့ လေယာဉ်ခရီးစဉ်အဆင်ပြေချောမွေ့စေဖို့ အကူအညီပေးခဲ့ကြတဲ့ မြန်မာအာဏာပိုင်တွေကိုလည်း ကျေးဇူးအထူးတင်တဲ့အကြောင်း မြန်မာနိုင်ငံဆိုင်ရာ အမေရိကန်သံရုံးက ထုတ်ပြန်ပါတယ်။
COVID-19 ရောဂါတုံ့ပြန်တိုက်ဖျက်ရေးအတွက် အမေရိကန်ပြည်ထောင်စုက မြန်မာနိုင်ငံကို ဒေါ်လာ ၃ ဒသမ ၈ သန်းအကူအညီပေးမယ်လို့ အမေရိကန်နိုင်ငံတကာဖွံ့ဖြိုးရေးအေဂျင်စီက မကြာသေးခင်က ကြေညာထားပါတယ်။
ဓာတ်ပုံ- US Embassy
