မြန်မာ-ထိုင်းနယ်စပ်ရှိ မယ်လဒုက္ခသည်စခန်း မီးလောင်
DVB
·
March 5, 2020
မြန်မာ-ထိုင်းနယ်စပ် တာခ်ရိုင်၊ ထာဆောင်ရမ်းမြို့နယ်ရှိ မယ်လစစ်ပြေးဒုက္ခသည်စခန်းမှာ ဒီကနေ့ မွန်းလွဲပိုင်းက မီးလောင်မှု ဖြစ်ပွားပါတယ်။
ဒုက္ခသည်စခန်းမှာ နေထိုင်သူတဦးရဲ့ မီးပေါ့ဆမှုကြောင့် မီးလောင်မှုဖြစ်ပွားတာဖြစ်ပြီး လူနေအိမ် ၄ လုံး မီးလောင်ပျက်စီးဆုံးရှုံးသွားပါတယ်။
ဒေသစံတော်ချိန် မွန်းလွဲပိုင်း ၁ နာရီကျော်လောက်မှာ မီးစတင်လောင်ကျွမ်းခဲ့တာဖြစ်ပြီး ထိုင်းမီးသတ်တပ်ဖွဲ့တွေက မီးငြှိမ်းသတ်နိုင်ခဲ့ပါတယ်။
မြန်မာ-ထိုင်းနယ်စပ်မှာ စစ်ပြေးဒုက္ခသည်စခန်း ၉ ခုရှိပြီး အခုမီးလောင်တဲ့ မယ်လဒုက္ခသည်စခန်းဟာ မြဝတီ မဲဆောက်နဲ့ ၆၀ ကီလိုကျော်အကွာမှာ တည်ရှိကာ မြန်မာနိုင်ငံက စစ်ဘေး ဒုက္ခသည်တွေ အများဆုံး နေထိုင်တဲ့ စခန်းဖြစ်ပါတယ်။
ဖိုးစီ
