မန္တလေးပြည်ကြီးတံခွန်မြို့နယ်ရှိ ဒိုင်မွန်းဝါဖတ်စက်ရုံမီးလောင်
DVB
·
February 28, 2020
မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ ဒိုင်းမွန်းဝါဖတ်နှင့် ဆေးပတ်တီးလုပ်ငန်းစက်ရုံမှာ ဖေဖော်ဝါရီ ၂၈ ရက် မနက်က မီးလောင်မှုဖြစ်ပွားခဲ့ပါတယ်။
ပြည်ကြီးတံခွန်မြို့နယ်၊ ထိန်ကုန်းရပ်ကွက်၊ လမ်းသွယ် ၁၀ ရှိ ဦးအောင်မျိုးထွန်းပိုင်ဆိုင်တဲ့ ဒိုင်းမွန်းဝါဖတ်နှင့် ဆေးပတ်တီးလုပ်ငန်း ပေ၂၀၊ ၅၀ သွပ်မိုး ၁ ထပ် စက်ရုံအတွင်း ဝါဖတ်တွေကို ဆေးပတ်တီးလုပ်ဖို့ ကြိတ်နေစဉ် စက်ထဲသံပါသွားခဲ့တာကြောင့် မီးပွင့်ပီးမီးလောင်ခဲ့တာပါ။
မီးလောင်တဲ့နေရာကို မြို့နယ်မီးသတ်တပ်ဖွဲ့က မီးသတ်ယာဉ် ၃၀ စီး အုပ်ချုပ်မှုယာဉ် ၃ စီး၊ မီးသတ်တပ်ဖွဲ့ဝင် ၁၈၀ လောက်နဲ့အတူ တပ်မတော်သားတွေက ဝိုင်းဝန်းငြှိမ်းသတ်ခဲ့ရာ မီးငြိမ်းသွားခဲ့ပါတယ်။
အဆိုပါမီးလောင်မှုမှာ ဆုံးရှုံးမှုတန်ဖိုး ကျပ် ၁၄၅၀၀၀၀ လောက်ရှိမယ်လို့ ခန့်မှန်း သတ်မှတ်ထားပြီး စက်ရုံမန်နေဂျာဖြစ်သူ ဦးအောင်မျိုးကို ပုဒ်မ ၂၈၅ နဲ့ ပြည်ကြီးတံခွန်မြို့မရဲစခန်းက အမှုဖွင့်အရေးယူထားပါတယ်။
