ICJ တွင် သွားရောက်တရားရင်ဆိုင်မည့် အတိုင်ပင်ခံပုဂ္ဂိုလ်အား ထောက်ခံပွဲ ပြုလုပ်
DVB
·
December 1, 2019
ဂမ်ဘီယာနိုင်ငံက မြန်မာနိုင်ငံအပေါ် အပြည်ပြည်ဆိုင်ရာတရားရုံး (ICJ) မှာ တရားစွဲဆိုထားမှုကို သွားရောက်တရားရင်ဆိုင်မယ့် နိုင်ငံတော်အတိုင်ပင်ခံပုဂ္ဂိုလ်အား ထောက်ခံပွဲကို ရန်ကုန်မှာ ပြုလုပ်ခဲ့ပါတယ်။
ဒီထောက်ခံပွဲကို ဒီဇင်ဘာ ၁ ရက်နေ့က ရန်ကုန်မြို့ မဟာဗန္ဓုလပန်းခြံရှေ့မှာ ပြုလုပ်ခဲ့ပြီး လာရောက်ထောက်ခံသူ ၃၀၀ ဝန်းကျင်လောက်ရှိပါတယ်။
လာရောက်ထောက်ခံသူတွေဟာ We Stand With ဒေါ်အောင်ဆန်းစုကြည်လို့ ကြွေးကြော်ခဲ့ပါတယ်။ ဒီထောက်ခံပွဲတွေကို မြန်မာနိုင်ငံနေရာတချို့မှာ NLD ကို ဝန်းရံသူအများစုက ဦးဆောင်ကျင်းပခဲ့ကြတာပါ။
ရခိုင်ပြည်နယ်မှ နေရပ်စွန့်ခွာသူများကိစ္စနဲ့ ပတ်သက်ပြီး ဂမ်ဘီယာနိုင်ငံက အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) ကိုယ်စား မြန်မာနိုင်ငံကို နယ်သာလန်နိုင်ငံ သည်ဟိဟ်မြို့ အပြည်ပြည်ဆိုင်ရာတရားရုံး (ICJ) မှာ တရားစွဲဆိုထားတာ ဖြစ်ပြီး ဒီဇင်ဘာ ၁၀ ရက်နေ့ စတင်ကြားနာမှာဖြစ်ပါတယ်။
ဓာတ်ပု့ - အေးနိုင်
