ရှမ်းပြည်နယ် မူဆယ်မြို့နယ်အတွင်းမှာ သေနတ်မျိုးစုံနဲ့ လက်ပစ်ဗုံး အလုံး ၂၀ ကျော် ဖမ်းဆီးမိခဲ့တယ်လို့ တပ်မတော်က ထုတ်ပြန်ပါတယ်။ ရှမ်းပြည်နယ်(မြောက်ပိုင်း) သိန်းနီမြို့ OHC တိုးဂိတ်မှာ ဇူလိုင် ၁၀ ရက် ည ၁၀ နာရီခွဲလောက် ရန်စန်း(ဘ)ဦးရှောက်ဝမ် မောင်းနှင်လာတဲ့ MDY-5M/ ---ယာဉ်ပေါ်မှ ဘိန်းဖြူ ၃ ဂရမ်၊ တရုတ်ငွေစက္ကူ ၈၂၀၀ ယွမ်နဲ့အတူ ဖမ်းဆီးရမိခဲ့တယ်လို့ ဆိုပါတယ်။ ဖမ်းဆီးရမိခဲ့တဲ့ ရန်စန်းအား စစ်ဆေးမေးမြန်းချက်အရ မူဆယ်မြို့နယ်၊ ကောင်းမှုတုံရပ်ကွက်၊ တိုးချဲ့ကွက်သစ်ရှိ ဂိုဒေါင်အတွင်း လက်နက်၊ ခဲယမ်းတွေ သိမ်းဆည်းထားကြောင်း သိရလို့ လုံခြုံရေးတပ်ဖွဲ့ဝင်တွေပါဝင်တဲ့ ပူးပေါင်းအဖွဲ့က ဇူလိုင် ၁၇ ရက် ည ၉ နာရီလောက်မှာ သွားရောက်စစ်ဆေးခဲ့ပါတယ်။ ဂိုဒေါင်အတွင်း မီးခံသေတ္တာအတွင်းမှ သေနတ်မျိုးစုံ ခုနစ်လက်၊ ကျည်အိမ်မျိုးစုံ ၂၄ ခု၊ လက်ပစ်ဗုံး ၂၂ လုံး၊ စနက်တံခြောက်ခု၊ ကျည်မျိုးစုံ ၅၅၃ တောင့်နဲ့ မှန်ပြောင်းနှစ်လက်တို့အား ထပ်မံတေံရှိ သိမ်းဆည်းရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။ သိမ်းဆည်းရမိတဲ့ လက်နက်၊ ခဲယမ်းတွေနဲ့ ဆက်စပ်ပစ္စည်းတွေကို လုပ်ထုံးလုပ်နည်းနဲ့အညီ ဆက်လက်ဆောင်ရွက်သွားမယ်လို့ သိရပါတယ်။