မူဆယ်မြို့နယ်တွင် ခရီးသည်တင်ယာဉ်တိမ်းမှောက်၊ ၂ ဦးသေဆုံး ၁၄ ဦး ဒဏ်ရာရ
DVB
·
June 15, 2019
ရှမ်းပြည်နယ် မူဆယ်မြို့နယ်မှာ ခရီးသည်ယာဉ်တစီးတိမ်းမှောက်မှုကြောင့် ၂ ဦးသေဆုံးပြီး ၁၄ ဦးဒဏ်ရာရရှိခဲ့တယ်လို့ ပြည်ထဲရေးက ထုတ်ပြန်ပါတယ်။
ဇွန် ၁၄ ရက်နေ့ မနက်ပိုင်းက မူဆယ်မြို့နယ်၊ အောက်တုံခန်ကျေးရွာ မူဆယ်-လားရှိုး ပြည်ထောင်စုလမ်းမကြီး မိုင်တိုင်(၂၇၈/၁-၂) ကြားမှာ ဇော်မင်းသိန်း နှစ်မောင်းနှင်လာတဲ့ ခရီးသည်တင်ယာဉ်ဟာ အရှိန်မထိန်းနိုင်ဘဲ လမ်းဝဲဘက်ခြမ်းရှိ ကြံစိုက်ခင်းအတွင်း တိမ်းမှောက်ခဲ့တာပါ။
ယာဉ်တိမ်းမှောက်မှုကြောင့် ယာဉ်နောက်လိုက် တိုးဝင်းထွန်း (ခ) ဝေယံ အပါအ၀င် အမျိုးသား ၂ ဦး ဒဏ်ရာတွေနဲ့ အခင်းဖြစ်နေရာမှာ သေဆုံးခဲ့ပြီး ကျန်သူ ၁၄ ဦး ဖူးရောင်ပွန်းပဲ့ဒဏ်ရာတွေ ရရှိခဲ့လို့ မူဆယ်ပြည်သူ့ဆေးရုံကြီးကို ပို့ဆောင်ခဲ့တယ်လို့ ဆိုပါတယ်။
ယာဉ်မောင်း ဇော်မင်းသိန်းအား မူဆယ်မြို့မရဲစခန်းက ယာဉ်(ပ)၃၀/၂၀၁၉၊ ရာဇသတ်ကြီးပုဒ်မ ၃၀၄-က/၃၃၇/၂၇၉ (ပေါ့လျော့မှုကြောင့် လူသေမှု၊ သာမန်နာကျင်စေမှု၊ ယာဉ်မဆင်မခြင်မောင်းနှင်မှု) နဲ့ အမှုဖွင့်စစ်ဆေးလျက်ရှိကြောင်း သိရပါတယ်။
