ရန်ကုန်မြို့တော် စည်ပင်သာယာရေးကော်မတီဟာ အကြောင်းအရာခေါင်းစဉ်တူနဲ့ နှစ်တိုင်း ဘတ်ဂျက်ငွေ တောင်းခံနေတယ်လို့ ရန်ကုန်တိုင်းလွှတ်တော် ငွေစာရင်းကော်မတီက အစီရင်ခံပါတယ်။ ကျပ်သိန်း ၃၇၀၀ ကျော် ငွေကြေးကို ခေါင်းစဉ်တမျိုးတည်းအောက်ကနေ နှစ်တိုင်းတောင်းခံနေပြီး လွှတ်တော်ကော်မတီကနေ ကျပ်သိန်းပေါင်း ၂ သောင်းခွဲလောက်ကို ညှိနှိုင်းလျှော့ချခဲ့ပါတယ်။ အင်ဂျင်နီယာဌာန (ရေနဲ့ ရေသန့်ရှင်းမှု) ဟာ မြို့တွင်း ၆ မြို့နယ် လမ်းမတန်းတွေမှာ မိလ္လာကန်အဖုံးတပ်ဖို့၊ ပျက်စီးတာတွေကို အသစ်အစားထိုးဖို့ ဒီနှစ်မှာ ကျပ်သိန်း ၆၀၀ တောင်းခံထားပြီး ၂၀၁၇-၁၈၊ ၂၀၁၈-၁၉ ခုနှစ်တုန်းကလည်း  သိန်း ၆၀၀ စီ တောင်းခံခဲ့တယ်လို့ ရန်ကုန်တိုင်းလွှတ်တော် ပြည်သူ့ငွေစာရင်းကော်မတီက အစီရင်ခံထားပါတယ်။ ရန်ကုန်တိုင်းရဲ့ ၂၀၁၉-၂၀၊ ဘဏ္ဍာရေးနှစ် အရအသုံးခန့်မှန်းခြေ ငွေစာရင်း(လျာထားချက်) နဲ့ပတ်သက်ပြီး ပြည်သူ့ငွေစာရင်းကော်မတီရဲ့ ငွေကြေးဆိုင်ရာ စိစစ်တွေ့ရှိချက်၊ သုံးသပ် အကြံပြုချက်နဲ့ သဘောထားမှတ်ချက် အစီရင်ခံစာကို ဇွန် ၁၂ ရက်က လွှတ်တော်ကို တင်ပြခဲ့တာပါ။ မလ္လာစွန့်တာအတွက် လိုအပ်တဲ့ စက်ပစ္စည်းဝယ်ယူဖို့ သိန်း ၁၀၀၀ တောင်းထားပြီး ၂၀၁၇-၁၈ မှာ သိန်း ၇၀၀၊ ၂၀၁၈-၁၉ ခုနှစ်မှာ သိန်း ၅၀၀ တောင်းခဲ့ဖူးတယ်လို့ ဆိုပါတယ်။ ပြီးတော့ မြို့တွင်း ၆ မြို့နယ်က မိလ္လာတွန်းစက် အလုံး ၂၀ ကို လိုအပ်တဲ့ပစ္စည်းတွေ အစားထိုးလဲလှယ် အဆင့်မြှင့်တင်ဖို့အတွက် ကျပ်သိန်း ၂၀၉၀ တောင်းခံထားပြီး ၂၀၁၇- ၁၈ မှာ ကျပ်သိန်း ၉၃၀၊ ၂၀၁၈-၁၉ ခုနှစ်မှာ ကျပ်သိန်း ၂၀၁၇၀ တောင်းခံခဲ့ဖူးပါတယ်။ မြို့တွင်း ၆ မြို့နယ် နောက်ဖေးလမ်းကြားတွေမှာ မိလ္လာကန်အဖုံးတပ်တာ၊ ပျက်စီးတာတွေ အသစ်အစားထိုးဖို့အတွက် ကျပ်သိန်း ၆၀၀ တောင်းခံထားပြီး ၂၀၁၇-၁၈၊ ၂၀၁၈-၁၉ ခုနှစ် တုန်းကလည်း သိန်း ၆၀၀ စီ တောင်းခံခဲ့တယ်လို့ ပြည်သူ့ငွေစာရင်းကော်မတီက အစီရင်ခံထားပါတယ်။ အကြောင်းအရာတူခေါင်းစဉ်တွေနဲ့ နှစ်စဉ်တောင်းခံနေတဲ့ အဲဒီငွေတွေကို ဘယ်လိုသုံးနေသလဲဆိုတာ သက်ဆိုင်ရာဌာနနဲ့ လွှတ်တော်ကိုယ်စားလှယ်တို့ ကွင်းဆင်း စစ်ဆေးသင့်တယ်လို့လည်း အကြံပြုထားပါတယ်။ ပြည်သူ့ရင်ပြင်နဲ့ ပြည်သူ့ဥယျာဉ်မှာ ခြံစည်းရိုး၊ နက္ခတ်တာရာပြခန်းနဲ့ ခြံထဲမှာ ပြသထားတဲ့ လေယာဉ်ပျံ ဆေးသုတ်တာ၊ ရေ မီးပိုင်း မွမ်းမံပြင်ဆင်တာတွေလုပ်ဖို့ ကျပ်သိန်း ၅၅၀ တောင်းခံထားပြီး ဒီအတွက်ကို ၂၀၁၅-၁၆ ဘဏ္ဍာနှစ်က စလို့ နှစ်တိုင်းတောင်းခံနေတယ်လို့ ဆိုပါတယ်။ ဒီနှစ်မှာတော့ လေယာဉ်ပျံကို ရေနဲ့ဆေးကြောပြီးလို့ ဆေးသုတ်ဖို့မလိုရင် မသုတ်ဘူးလို့ ဌာနက တင်ပြလာကြောင်းလည်း အစီရင်ခံစာမှာ ဖော်ပြထားပါတယ်။ ရန်ကုန်တိုင်းထဲမှာရှိတဲ့ ဌာနတွေရဲ့ ရသုံးမှန်းခြေဦးစီးဌာနကို တင်ပြလာတဲ့ စုစုပေါင်းဘတ်ဂျက်ဟာ ကျပ်သန်းပေါင်း ၉ သိန်းကျော်ရှိပြီး ကျပ်သန်းပေါင်း ၈ သောင်းလောက်ကို အဲဒီဌာနက ဖြတ်တောက်ခဲ့ပါတယ်။