မန္တလေး ကုန်စည်ဒိုင်တွင် ပဲစင်းငုံဈေးနှုန်း မြင့်တက်
DVB
·
May 16, 2018
မန္တလေးမြို့မှာ အခုရက်ပိုင်းအတွင်း ပဲစင်းငုံဈေးနှုန်းတွေ မြင့်တက်လာခဲ့တာကြောင့် မန္တလေးကုန်စည်ဒိုင်မှာ အရောင်းအဝယ်ဖြစ်နေပါတယ်။
အိန္ဒိယနိုင်ငံကနေ ပဲစင်းငုံ တန်ချိန် နှစ်သိန်း၊ မတ်ပဲတန်ချိန် ၁ သိန်းခွဲနဲ့ ပဲတီစိမ်း တန်ချိန် ၁ သိန်းခွဲ ဝယ်မယ်လို့ စာထွက်လာခဲ့တာကြောင့် မန္တလေး ပဲဈေးကွက် မြင့်တက်လာခဲ့တာလို့ စိုးဝင်းမြင့်ပွဲရုံ ပိုင်ရှင်က ဒီဗွီဘီကို ပြောပါတယ်။
အရင်က ပဲစင်းငုံအဟောင်း သုံးတင်းဝင် တအိတ်ကို ကျပ် ၃၀,၀၀၀ ဝန်းကျင် ဈေးကနေ မေ ၁၅ ရက်မှာ ကျပ် ၄၅,၀၀၀ ဈေးမြင့်တက်လာခဲ့တာကြောင့် ပွဲစားနဲ့ ကုန်သည်တွေ အလုပ်ဖြစ်လာတယ်လို့ မန္တလေးကုန်စည်ဒိုင် အတွင်းရေးမှူး ဦးကျော်သွင်က ပြောပါတယ်။
ပြီခဲ့တဲ့နှစ်ကတော့ အိန္ဒိယနိုင်ငံကနေ မြန်မာပြည်ကထွက်ရှိတဲ့ ပဲစင်းငုံ၊ ပဲတီစိမ်း၊ မတ်ပဲ ပြည်ပပို့ကုန်တွေကို ဝယ်ယူမှုတွေ ရပ်ဆိုင်းထားခဲ့လို့ ပဲဈေးနှုန်းတွေကျပြီး ဈေးကွက်ပျက်သွားခဲ့ရတာပါ။
