သမီးရည်းစား ချိန်းတွေ့စဉ် လုယက် ဓားထိုးခံရ၊ ၁ ဦး သေဆုံး
DVB
·
March 26, 2018
ပဲခူးမြို့၊ ဘိုကုန်းရပ်ကွက်မှာ မတ်လ ၂၅ ရက်နေ့ ညက သမီးရည်းစား ၂ ဦးကို အမည်မသိ လူ ၂ ဦးက ဓားနဲ့ ထိုးခဲ့တာကြောင့် ၁ ဦးသေဆုံးသွားတယ်လို့ ပဲခူးမြို့မ ရဲစခန်းမှူး ဒုရဲမှူး နိုင်စိုးက ပြောပါတယ်။
“အဲဒီညက ဘုရားကြီးမြို့နေသူ ဇော်----နဲ့ မ----တို့ဟာ ပဲခူးမြို့ ဘိုကုန်းရပ်ကွက်က အသောက ဘုန်းကြီးကျောင်းနဲ့ မဟာစီဘုန်းကြီးကျောင်းတို့အကြား သမီးရည်းစား သဘာဝ ချိန်းတွေ့နေကြပါတယ်။ အဲဒီလို ချိန်းတွေ့နေချိန်မှာ အမည်မသိ အမျိုးသား ၂ ဦးက ဆိုင်ကယ်တစီးနဲ့ရောက်လာပြီး ဆိုင်ကယ်နောက်မှာထိုင်လာသူက မင်းတို့မှာ ဘာပါလဲလို့ မေးပါတယ်။ ဇော်----က ဘာမှ မပါပါဘူးလို့ ပြန်ဖြေလိုက်တာကို အဲဒီ ဆိုင်ကယ်နောက်မှာ ထိုင်နေသူက ဇော်----ရဲ့ မျက်နာကို တချက်ထိုးပါတယ်။ ပြီးတော့ အသင့်ပါလာတဲ့ ဓားနဲ့ ယာဘက်ရင်အုံကို ထိုးလိုက်ရာ ဇော်-----မှာ ဓားဒဏ်ရာကြောင့် ပဲခူးဆေးရုံမှာ ည ၁၀ နာရီခွဲလောက်က ဆုံးသွားတယ်”လို့ ပြောရပါတယ်။
အခုလို ဖြစ်စဉ်နဲ့ ပတ်သက်ပြီး မ---က တရားလိုပြုလုပ်တိုင်တန်းတဲ့အတွက် ပဲခူးမြို့မ ရဲစခန်းက (ပ)၂၈၂ /၂၀၁၈ ရာဇသက်ကြီး ဥပဒေပုဒ်မ ၃၀၂ /၁၁၄ တို့နဲ့ အမှုဖွင့်ခဲ့ပြီး မြို့မစခန်းမှူး ဦးဆောင်မှုနဲ့ တရားခံတွေကို စုံစမ်းဖမ်းဆီးခဲ့ပါတယ်။
ဓားနဲ့ထိုးပြီး လုယက်ခဲ့သူတွေလို့ သံသယရှိတွေဟာ ကမာနက်ကျေးရွာတောင်ပိုင်းနေ စည်သူလွင် (ခ) အလက်ကောင် နဲ့ ကမာနက် ဆိတ်သက်ရုံက အောင်ဆန်း (ခ) ဒန်နူး တို့ဖြစ်ကြောင်း စုံစမ်းသိရှိရတယ်။ အဲဒီည ၁၂ နာရီလောက်က စည်သူလွင်ကို ကမာနက် လျှက်စစ်ဝင်းရှေ့မှာ သက်သေခံ အရိုးအသွား ၉ လက်မလောက်ရှိတဲ့ ၂ ဖက်သွား ဓားဦးချွန်နဲ့အတူ ဖမ်းဆီးရမိထားပြီး ဒန်နူးကတော့ ထွက်ပြေးလွတ်မြောက်နေတယ်လို့ သိရပါတယ်။
အောင်စိုးမိုး
