ကျောက်ဖြူတွင် စစ်ကောင်စီနဲ့ အာရက္ခတပ်တော် (AA) တို့ ဇန်နဝါရီ ၈ ရက် မနက်က နှစ်ဖက်တိုက်ပွဲပြင်းထန်ခဲ့ပြီး စစ်တပ်ဘက်က ဗိုလ်တယောက်အပါအဝင် ၁၀ ယောက်နီးပါးသေဆုံးပြီး လက်နက်ခဲယမ်းတွေ AA က သိမ်းဆည်းရမိတယ်လို့ စစ်ရေးသတင်းရင်းမြစ်က ပြောပါတယ်။

“ဒီမနက်က ဦးကင်းကျေးရွာ ပတ်ဝန်းကျင်မှာရှိတဲ့ စစ်တပ်စစ်ကြောင်းကို AA က တိုက်တာပါ။ စစ်တပ်ဘက်က ၁၀ ယောက်ခန့်ကျတယ်၊ လက်နက်ခဲယမ်းကို AA က သိမ်းယူနိုင်ခဲ့တယ်။"

ဇန်နဝါရီ ၈ ရက် မနက်က သစ်ပုတ်တောင်တိုက်နယ်မှာ အင်အား ၁၀၀ ကျော်ပါ စစ်ကောင်စီစစ်ကြောင်းကို AA က ချုံခိုတိုက်ခိုက်ခဲ့တဲ့အတွက် စစ်တပ်ဘက်က အငိုက်မိပြီး အကျအဆုံး များခဲ့တာလို့ ဆိုပါတယ်။

အဆိုပါတိုက်ပွဲအတွင်း စစ်ကောင်စီတပ်ဖွဲ့ဝင်တွေ ကစဉ့်ကလျားထွက်ပြေးနေကြပြီး AA ဘက်က လိုက်လံချေမှုန်းနေစဉ် စစ်တပ်ဘက်က ဂျက်ဖိုက်တာနဲ့ ပေါင် ၅၀၀ ​ဗုံး ကြဲချတိုက်ခိုက်ခဲ့တယ်လို့ ဒေသခံစစ်ရေးသတင်းရင်းမြစ်က ပြောပါတယ်။

“ရေတပ်ဌာနချုပ် ပတ်ဝန်းကျင်ကို အဓိက ပေါင် ၅၀၀ ဗုံး ချတယ်၊ နောက်ပြီး စက်သေနတ်တွေနဲ့ပစ်တယ်၊ ရေတပ်က ဒရုန်း၊ နေဗီက လက်နက်ကြီးပါ ပစ်ကူပေးတယ်။”