ကရင်ပြည်နယ်ရှိ နယ်ခြားစောင့်တပ် (BGF) တပ်ဖွဲ့စခန်းတွေမှာ ပူးတွဲတာဝန်ထမ်းဆောင်နေကြတဲ့ စစ်ကောင်စီတပ်က အရာရှိ၊ တပ်သားနဲ့ တပ်မိသားစုတွေကို BGF ကနေ ကရင်အမျိုးသားတပ်မတော် (KNA) တပ်ဖွဲ့ ပြောင်းလဲချိန်မှာ ဇန်နဝါရီ ၂ ရက်ကနေ စတင် ပြောင်းရွှေ့နေပြီလို့ KNA တပ်ဖွဲ့နဲ့ နီးစပ်သူက ပြောပါတယ်။
အထက်အရာရှိ စစ်ကောင်စီတာဝန်ရှိသူတွေရဲ့ ညွှန်ကြားချက်အရ ပြောင်းရွှေ့တာဖြစ်ပြီး BGF တပ်ရင်းတခုမှာ စစ်ကောင်စီတပ်ဗိုလ်တပ်သားတပ်မိသားစု အယောက် ၃၀ ကနေ ၄၀ လောက်ရှိတယ်လို့ သိရပါတယ်။
မြဝတီမြို့ဘက်က စစ်ကောင်စီတပ်တွေက ခလရ ၂၇၅ စခန်းကို ပြောင်းရွှေ့ရပြီး မြိုင်ကြီးငူ ဘက်က တပ်ဗိုလ် တပ်သားတွေက ဘားအံမြို့တပ်မ ၂၂ ဘက်ကိုပြောင်းရွှေ့ရကာ မိသားစုဝင်တွေကတော့ မော်လမြိုင်ဘက်ကို ပြောင်းရွှေ့ရပါတယ်။
ဇန်နဝါရီ ၁ ရက်နေ့က စစ်တပ်ဩဇာခံ နယ်ခြားစောင့်တပ် (BGF) ကနေ ကရင်အမျိုးသားတပ်မတော် (KNA) တံဆိပ်တွေ ပြောင်းလဲတပ်ဆင်ပြီး သီးခြား လက်နက်ကိုင်တပ်ဖွဲ့အနေနဲ့ ရပ်တည်ခဲ့ပါတယ်။
