တရုတ်နိုင်ငံမြောက်ပိုင်းမှာ အပူချိန်တွေ ဆက်တိုက်ကျဆင်းလာတာနဲ့အမျှ ကြွယ်ဝတဲ့ အအေးဓာတ် အရင်းအမြစ်တွေကို ကမ္ဘာလှည့်ခရီးသည်တွေအတွက် ဆွဲဆောင်မှုတွေအဖြစ် ပြောင်းလဲနေပါတယ်။
ဟေလောင်ကျန်းပြည်နယ်ရဲ့ ရေခဲဖုံးလွှမ်းနေတဲ့ သစ်တောတွေထဲမှာ ခရီးသွားရတဲ့ အတွေ့အကြုံတွေကနေ ရှင်းကျန်းပြည်နယ်က ကျောင်းသားတွေအတွက် နှင်းကျနေတဲ့ အားလပ်ရက်တွေအထိ အစီအစဉ်တွေ ရှိနေတာပါ။
တရုတ်နိုင်ငံရဲ့ မြောက်ဘက်အကျဆုံးမြို့ဖြစ်တဲ့ ဟေလောင်ကျန်းပြည်နယ်၊ မိုဟော့မြို့မှာ ခရီးသည် ၃၀၀ ကျော် တင်လာတဲ့ ရထားတစင်း နိုဝင်ဘာ ၂၉ ရက်မှာ ရောက်လာခဲ့ပါတယ်။
“နှေးကွေးတဲ့ ခရီး၊ နက်ရှိုင်းတဲ့ အတွေ့အကြုံ” လို့ နာမည်ပေးထားတဲ့ ခရီးစဉ်ဟာ ဧည့်သည်တွေကို ခရီးစဉ်တလျှောက်လုံးမှာ မြင်တွေ့ရတဲ့ ရေခဲနဲ့ နှင်းတွေကို ခံစားနိုင်စေပါတယ်။
မြင့်တက်လာတဲ့ ဆောင်းရာသီ ခရီးသွားလုပ်ငန်း ဝယ်လိုအားကို ဖြည့်ဆည်းဖို့ ရထားလမ်းအော်ပရေတာတွေက ဟာဘင်နဲ့ မိုဟော့အကြား ဝန်ဆောင်မှုတွေကို ထပ်လောင်း ထည့်သွင်းခဲ့ပါတယ်။
အရပ်ဘက်လေကြောင်းပို့ဆောင်ရေးကလည်း မိုဟော့နဲ့ ဟေလောင်ကျန်းမှာရှိတဲ့ တခြား ခရီးသွားမြို့တွေအကြား လေယာဉ်ခရီးစဉ်တွေကို တိုးမြှင့်ခဲ့ပြီး ခရီးသွားလာမှုကို ပိုအဆင်ပြေအောင် လုပ်ပေးခဲ့ပါတယ်။
တရုတ်နိုင်ငံ အနောက်မြောက်ပိုင်း ရှင်းကျန်းဝီဂါ ကိုယ်ပိုင်အုပ်ချုပ်ခွင့်ရဒေသ အူရွမ်ချီမြို့တော်မှာ မူလတန်းနဲ့ အလယ်တန်းကျောင်းတွေဟာ ဒီဇင်ဘာ ၁ ရက်ကနေ ၅ ရက်အထိ ပထမဆုံး “နှင်းအားလပ်ရက်” ကို စတင်ခဲ့ပါတယ်။
အားလပ်ရက်တွေ ပေါင်းစပ်လိုက်တဲ့အခါ ကျောင်းသားတွေဟာ ဆောင်းရာသီအားလပ်ရက်ကို ၉ ရက်အထိ ခံစားနိုင်ခဲ့တာပါ။
ဒေသခံ စကိတ်စီးစခန်းတွေကလည်း ရာသီအလိုက် မူဝါဒအသစ်ကို ဂုဏ်ပြုဖို့နဲ့ မိသားစုတွေကို တောင်စောင်းတွေဆီ ဆွဲဆောင်ဖို့ အခမဲ့ဝင်ခွင့်နဲ့ စားသုံးသူထောက်ပံ့ကြေးတွေ ထုတ်ပြန်ခဲ့ပါတယ်။
တချိန်တည်းမှာ တရုတ်နိုင်ငံမြောက်ပိုင်း အတွင်းမွန်ဂိုးလီးယား ကိုယ်ပိုင်အုပ်ချုပ်ခွင့်ရဒေသမှာ ဆောင်းရာသီ ခရီးသွားလုပ်ငန်းက အရှိန်အဟုန်နဲ့ တိုးတက်ခဲ့ပါတယ်။
အတွင်းမွန်ဂိုလီးယားပြည်နယ်ရဲ့ အနောက်အလယ်ပိုင်းက ဒါဟန် မာမင်ဂံ ကိုယ်ပိုင်အုပ်ချုပ်ခွင့်ရဒေသ ဘောင်ထို့မြို့မှာ မြင်းပြိုင်ပွဲ၊ ကုလားအုတ်ပြိုင်ပွဲ၊ နပန်းနဲ့ မြားပစ်တာလို ရိုးရာအားကစားနည်းတွေပါတဲ့ ဆောင်းရာသီ နာဒါမ်ပွဲတော်ကို နိုဝင်ဘာ ၃၀ ရက်က ကျင်းပခဲ့ပါတယ်။
Source: Reuters
