ဆော်ဒီအာရေဗျနိုင်ငံ၊ ရီယာ့ဒ်မြို့မှာ ကျင်းပနေတဲ့ WTA Finals တင်းနစ်ပြိုင်ပွဲမှာ ကမ္ဘာ့အဆင့်တစ် တင်းနစ်ကစားသမား အေရီနာ ဆာဘလန်ကာဟာ အမေရိကန်ကစားသမား ဂျက်စီကာ ပီဂူလာကို အနိုင်ရသွားပါတယ်။

နိုဝင်ဘာ ၄ ရက်က ယှဉ်ပြိုင်ခဲ့တဲ့ Stefanie Graf Group ပွဲစဉ်မှာ ဆာဘလန်ကာက ပီဂူလာကို ၆-၄၊ ၂-၆၊ ၆-၃ ရလဒ်တွေနဲ့ အနိုင်ရခဲ့တာ ဖြစ်ပါတယ်။

ဒီနိုင်ပွဲဟာ ဆာဘလန်ကာ အတွက် ပြိုင်ပွဲမှာ ဒုတိယမြောက် အနိုင်ရရှိမှုဖြစ်ပေမဲ့ ရှုံးထွက်အဆင့်ကို တက်ရောက်ဖို့အတွက်တော့ အာမ မခံနိုင်သေးပါဘူး။

သူဟာ နိုဝင်ဘာ ၆ ရက်မှာ ကမ္ဘာ့အဆင့် ၃ ကစားသမား ကိုကိုးဂေါ့ဖ်နဲ့ ဆက်လက်ယှဉ်ပြိုင်ရမှာဖြစ်ပြီး အဲဒီပွဲရဲ့ရလဒ်က ဆီမီးဖိုင်နယ်တက်ရေးကို အဆုံးအဖြတ်ပေးမှာ ဖြစ်ပါတယ်။

ဆာဘလန်ကာက Sky Sports ကို ပြောကြားရာမှာ သူ့ရဲ့ “beast mode” ကို ရှာဖွေတွေ့ရှိခဲ့တဲ့အတွက် ပျော်ရွှင်မိတယ်လို့ ဆိုပါတယ်။

Source: BBC