ကမ္ဘာ့အသက်ကြီးဆုံး အိုလံပစ်ရွှေတံဆိပ်ဆုရှင် စက်ဘီးအားကစားသမား ချားလ်ကော့တီဟာ အသက် ၁၀၁ နှစ်အရွယ်မှာ ကွယ်လွန်သွားပါတယ်။
ပြင်သစ် စက်ဘီးသမားဟောင်း ချားလ်ကော့တီဟာ အသက်ရှင်လျက်ရှိတဲ့ အိုလံပစ် ရွှေတံဆိပ်ဆုရှင်တွေထဲမှာ အသက်အကြီးဆုံးအဖြစ် စံချိန်တင်ထားတဲ့သူ ဖြစ်ပါတယ်။
၁၉၄၈ လန်ဒန်အိုလံပစ်ပြိုင်ပွဲမှာ ကော့တီဟာ အိုလံပစ်ရွှေတံဆိပ်ဆုကို အသင်းဖော် ၃ ယောက်နဲ့အတူ ဆွတ်ခူးနိုင်ခဲ့သူဖြစ်ကာ ကြာသပတေးနေ့က ကွယ်လွန်ခဲ့တာ ဖြစ်ပါတယ်။
အသက်ရှင်နေတဲ့ အိုလံပစ်ရွှေတံဆိပ်ဆုရှင်တွေထဲမှာ အသက်အကြီးဆုံးအဖြစ် ဟန်ဂေရီ ကျွမ်းဘားကစားသမား ကီလီတီဟာ အသက် ၁၀၃ နှစ်အရွယ် ၂၀၂၅ ခုနှစ် ဇန်နဝါရီ ၂ ရက်မှာ ကွယ်လွန်ခဲ့တာကြောင့် ကော့တီဟာ အသက်အကြီးဆုံး ရွှေတံဆိပ်ဆုရှင် ဖြစ်လာခဲ့တာပါ။
ကော့တီဟာ ၂၀၂၄ ပါရီအိုလံပစ်ပြိုင်ပွဲ ဖွင့်ပွဲအခမ်းအနားမှာ မီးရှူးတိုင် ကိုင်ဆောင်ခဲ့သူလည်း ဖြစ်ပါတယ်။
ကော့တီဟာ ကစားသမားဘဝ ၁၉၄၉ ဂရင်းပရီ အပါအဝင် ၁၄၀ ကီလိုမီတာ ပြိုင်ပွဲမှာ အီတလီနိုင်ငံသားကို အနိုင်ရပြီး စံချိန်တင်ခဲ့ဖူးသလို တိုးဒီဖရန့်နဲ့ ဂီရိုဒီအီတာလီယာ ချန်ပီယံပြိုင်ပွဲတွေမှာပါ အောင်မြင်မှုတွေရခဲ့သူ ဖြစ်ပါတယ်။
