ကမ္ဘာ့ကျန်းမာရေးအဖွဲ့ (WHO) ဟာ အောက်တိုဘာ ၂၃ ရက်က ကယ်ရမ်ရှာလွန်မ် နယ်စပ် ဖြတ်ကျော်ဂိတ်ကနေတဆင့် ဂါဇာကမ်းမြောင်ဒေသထဲကို ဆေးဘက်ဆိုင်ရာပစ္စည်းတွေ ၂၃၈ ထုပ် ပို့ဆောင်ပေးခဲ့ပါတယ်။
အဲဒီ ဆေးပစ္စည်းထုပ်တွေထဲမှာ အင်ဆူလင်၊ ကာလဝမ်းရောဂါကုကိရိယာတွေ၊ အထောက်အကူပြုပစ္စည်းတွေနဲ့ တခြားအရေးကြီးဆေးဝါးတွေနဲ့ ထောက်ပံ့ရေးပစ္စည်းတွေ ပါဝင်ပါတယ်။
WHO ရဲ့ ကျန်းမာရေး အရေးပေါ်အရာရှိ ဒါရီယို ဘာတတ်တိုက ထောက်ပံ့ရေးပစ္စည်းတွေထဲမှာ ကူးစက်ရောဂါ ကာကွယ်ရေးထိန်းချုပ်ရေး (IPC ) ပစ္စည်းတွေ၊ ဆေးဘက်ဆိုင်ရာပစ္စည်းတွေနဲ့ အထောက်အကူပြုပစ္စည်းတွေလည်း ပါဝင်ကြောင်း ပြောကြားခဲ့ပါတယ်။
ဂျော်ဒန်၊ အီဂျစ်၊ ဒူဘိုင်း၊ အနောက်ဘက်ကမ်းနဲ့ ဂျေရုဆလင်ကနေတဆင့် ပို့ဆောင်မယ့် ဆေးဘက်ဆိုင်ရာပစ္စည်း ၂၀၀၀ ကျော် အသင့်ရှိကြောင်းလည်း WHO က ပြောပါတယ်။
ကျန်းမာရေးအေဂျင်စီဟာ ဒေသရဲ့ ကျန်းမာရေးစောင့်ရှောက်မှုစနစ်ကို ပြန်လည် တည်ဆောက်ဖို့ ကြိုးစားနေချိန်မှာ ဂါဇာကို ပေးပို့နေတဲ့ အကူအညီဟာ “လိုအပ်တဲ့အရာရဲ့ အစိတ်အပိုင်းတခု”သာ ဖြစ်ကြောင်း WHO အဖွဲ့အစည်းက ပြောပါတယ်။
WHO ရဲ့ အဆိုအရ လွန်ခဲ့တဲ့ ၂ နှစ် အတွင်း ကလေး ၁၀,၀၀၀ ကျော် အပါအဝင် ပါလက်စတိုင်းလူမျိုး ၄၂,၀၀၀ နီးပါးဟာ သူတို့ရဲ့ ဘဝတွေကို ကြီးကြီးမားမား အပြောင်းအလဲ ဖြစ်သွားစေတဲ့ အသက်အန္တရာယ်ရှိတဲ့ ဒဏ်ရာတွေ ရရှိခဲ့ကြကြောင်း ပြောဆိုခဲ့ပါတယ်။
Source: Reuters
