အစ္စရေးရဲ့ လေကြောင်းတိုက်ခိုက်မှုကြောင့် ယီမင်နိုင်ငံအလယ်ပိုင်း ဆာနာမြို့တော်က လူနေရပ်ကွက်တခု အပျက်အစီးပုံအဖြစ် ကျန်ရစ်ပါတယ်။

လူနေအိမ်တွေ ပျက်စီးပြီး မီးခိုးတွေ တက်လာနေတဲ့အပြင် မိသားစုပိုင် ပစ္စည်းတွေ ပြန့်ကျဲနေခဲ့ပါတယ်။

ဗုဒ္ဓဟူးနေ့က လေကြောင်းတိုက်ခိုက်မှုဟာ အယ်လ်-ယီမင် သတင်းစာတိုက်ရှိရာ အဆောက်အအုံတခုကို ပစ်မှတ်ထား တိုက်ခိုက်ခဲ့တာဖြစ်ပြီး အရပ်သားတွေ သိသိသာသာ အသေအပျောက် ရှိခဲ့ပါတယ်။ ဒေသခံ အများအပြား ဘေးကင်းရာ ဒေသတွေဆီ ထွက်ပြေးခဲ့ရပါတယ်။

တိုက်ခိုက်မှုအတွင်း ဟူသီတွေ ထိန်းချုပ်ထားတဲ့ ပစ်မှတ်အများအပြားကိုလည်း ထိမှန်ခဲ့ပါတယ်။

လူနေအဆောက်အအုံတွေကို တိုက်ရိုက်မထိပေမဲ့ အင်အားပြင်း ပေါက်ကွဲမှုလှိုင်းတွေကြောင့် အိမ်အများအပြား ပြိုကျခဲ့ပြီး အပျက်အစီးတွေရဲ့အောက်မှာ အရပ်သားတွေ ပိတ်မိနေခဲ့ပါတယ်။

ဟူသီတွေရဲ့ အဆိုအရ တိုက်ခိုက်မှုကြောင့် လူ ၄၆ ယောက် သေဆုံးပြီး ၁၆၅ ယောက် ဒဏ်ရာရခဲ့ပါတယ်။

ယီမင်နိုင်ငံက နေရာအများအပြားမှာ အစ္စရေးရဲ့ လေကြောင်းတိုက်ခိုက်မှုကို ဆန့်ကျင်တဲ့အနေနဲ့ သောကြာနဲ့ စနေနေ့တွေမှာ ယီမင်နိုင်ငံမြို့တော် ဆာနာနဲ့ တခြားနေရာတွေမှာ လူထုစုရုံး ချီတက်ပွဲတွေ လုပ်ခဲ့ပါတယ်။

ဂါဇာမှာ အစ္စရေးရဲ့ စစ်ဆင်ရေးအပေါ် ဒေါသထွက်ကြောင်းနဲ့ ပါလက်စတိုင်းပြည်သူတွေကို ထောက်ခံကြောင်း ပြခဲ့ကြပါတယ်။

မကြာသေးမီက ယီမင်နဲ့ အရှေ့အလယ်ပိုင်းမှာ လုံခြုံရေးအခြေအနေတွေ ပြင်းထန်လာခဲ့ပါတယ်။

ယီမင်က အရပ်သားပစ်မှတ်တွေကို အစ္စရေး တိုက်ခိုက်မှုကို ဆန္ဒပြသူတွေက ရှုတ်ချခဲ့ပြီး ဂါဇာကမ်းမြောင်မှာ အစ္စရေးရဲ့ ဆက်လက်သတ်ဖြတ်မှုနဲ့ နှင်ထုတ်ခြင်းကို ကန့်ကွက် ဆန္ဒပြခဲ့ကြပါတယ်။

Source: Reuters