တနင်္သာရီတိုင်း၊ မြိတ်-ထားဝယ်ခရိုင်၊ လယ်မူလားမြို့နယ်၊ ထမင်းမစားကျေးရွာရှိ စစ်တပ်စခန်းကို ကရင်လက်နက်ကိုင်အဖွဲ့တွေဖြစ်တဲ့ KNLA၊ KNDO နဲ့ တော်လှန်ရေး ပူးပေါင်းတပ်ဖွဲ့တွေက တိုက်ခိုက်သိမ်းပိုက်ခဲ့တယ်လို့ ကရင်အမျိုးသားအစည်းအရုံး (KNU) က ထုတ်ပြန်ပါတယ်။

စက်တင်ဘာ ၈ ရက် မနက်အစောပိုင်းက ထမင်းမစားရွာမှာ တပ်စွဲထားတဲ့ ခလရ ၂၈၀ တပ်ရင်း၊ အမတ ၃၀၉ တပ်ရင်း၊ အမှတ် ၁၂ တပ်မတော်လေ့ကျင့်ရေးသင်တန်းကျောင်း တပ်ဖွဲ့ဝင် စုစုပေါင်း ၄၀ ကျော် တပ်စွဲထားတဲ့ တပ်စခန်းကို ဝင်ရောက်တိုက်ခိုက်ခဲ့တာပါ။

တိုက်ခိုက်မှုကို ကရင်အမျိုးသားလွတ်မြောက်ရေးတပ်မတော် (KNLA)၊ တပ်မဟာ ၄ လက်အောက်ခံ ကရင်အမျိုးသားကာကွယ်ရေးတပ်မတော် (KNDO) တပ်ရင်း ၇၊ တပ်ခွဲ ၂၊ တပ်ခွဲ ၅၊ KNLA အထူးတပ်ဖွဲ့၊ ပလောပြည်သူ့ကာကွယ်ရေးတပ်ဖွဲ့နဲ့ တော်လှန်ရေး ပူးပေါင်းတပ်ဖွဲ့တွေက ပူးပေါင်းလုပ်ဆောင်ခဲ့တာ ဖြစ်ပါတယ်။