ဥရောပပြိုင်ပွဲ မရှိခြင်းကြောင့် အသင်းကိုတည်ဆောက်ရန် အချိန်ပိုရဟု မန်ယူနည်းပြ ပြော
DVB
·
August 27, 2025
ဥရောပပြိုင်ပွဲ မရှိတာက အသင်းကို ပြန်လည်တည်ဆောက်ဖို့ အချိန်ပိုမိုရရှိမှာဖြစ်ကြောင်း မန်ယူနည်းပြ ရူဘင်အာမိုရင်က သုံးသပ်သွားပါတယ်။
ယူနိုက်တက်ဟာ မနှစ်က ပရီးမီးယားလိဂ်မှာ အဆင့် ၁၅ နဲ့ ရာသီသိမ်းခဲ့တာကြောင့် အခုနှစ်ရာသီမှာ ပြည်တွင်းပြိုင်ပွဲ ၃ ခုမှာပဲ ယှဉ်ပြိုင်သွားရမှာပါ။
ဥရောပပြိုင်ပွဲ ကစားစရာမရှိတဲ့အတွက် ပြင်ဆင်မှုလည်း မလိုအပ်တော့တာကြောင့် အသင်းကို ဖွံ့ဖြိုးတိုးတက်အောင် လုပ်ဆောင်ဖို့ အချိန်ပိုမိုရရှိမှာဖြစ်ကြောင်း နည်းပြ အာမိုရင်က ပြောပါတယ်။
အခုတပတ်မှာတော့ လိဂ်ဖလားပွဲစဉ်ရှိတာကြောင့် မန်ယူအသင်းက တပတ်အတွင်းမှာ ၃ ပွဲ ကစားသွားရမှာဖြစ်ပြီး အရည်အသွေးရှိ ကစားသမားတွေရှိတာကြောင့် အလှည့်ကျစနစ်နဲ့ အသုံးပြုသွားရမှာဖြစ်တယ်လို့လည်း နည်းပြအာမိုရင်က ပြောသွားပါတယ်။
