အာဆင်နယ်တိုက်စစ်မှူး ကိုင်ဟာဗက်ရဲ့ ဒူးဒဏ်ရာကို ခွဲစိတ်ကုသမှု ပြုလုပ်ရနိုင်တယ်လို့ သိရပါတယ်။
ဟာဗက်ဇ်ဟာ မန်ယူအသင်းကို ၁ ဂိုး ဂိုးမရှိနဲ့ အနိုင်ရခဲ့တဲ့ လိဂ်အဖွင့်ပွဲစဉ်မှာ ဒူးဒဏ်ရာရရှိခဲ့တာဖြစ်ပြီး ဒဏ်ရာခွဲစိတ်ကုသမှုပြုလုပ်ရနိုင်တာဖြစ်ပါတယ်။
ဂျာမန်ဘောလုံးအဖွဲချုပ်က ဒါရိုက်တာတယောက်ဖြစ်တဲ့ ရူဒီဘော်လာကတော့ ဟာဗက်ဇ်ဟာ နိုင်ငံအသင်းရဲ့ပွဲစဉ်တွေကို လွဲချော်မှာဖြစ်ပြီး ဒဏ်ရာအခြေအနေကို ရှင်းရှင်းလင်းလင်း မသိရသေးပေမဲ့ ခွဲစိတ်ကုသမှု ပြုလုပ်ရတာမျိုးလည်း ဖြစ်လာနိုင်ကြောင်း ပြောခဲ့တာပါ။
အသက် ၂၆ နှစ်ရှိ ဂျာမန်တိုက်စစ်မှူးဟာ မနှစ်ကရာသီကလည်း တံကောက်ကြောဒဏ်ရာကြောင့် ခွဲစိတ်ကုသခဲ့ရပြီး ၃လ ကြာ အနားယူခဲ့ရပါသေးတယ်။
ဟာဗက်ဇ်အနေနဲ့ ဘယ်လောက်ကြာတဲ့အထိ အနားယူရနိုင်တယ်ဆိုတာကိုတော့ အာဆင်နယ်ဘက်က ထုတ်ပြန်ခြင်းမရှိသေးပါဘူး။
သူဟာ ၂၀၂၃ ခုနှစ် နွေရာသီက ချဲလ်ဆီးကနေ ပြောင်းရွှေ့လာသူဖြစ်ပြီး အာဆင်နယ်နဲ့ စုစုပေါင်း ၈၈ ပွဲမှာ ၂၉ ဂိုးသွင်း ယူထားပါတယ်။
Photo:Reuters
