ဘန်​ကောက်မြို့မှာ အလုပ်သွားရှာလုပ်ကြမယ့် မြန်မာ​ရွှေ့​ပြောင်းအလုပ်သမား ၄၅ ယောက်ကို  ထိုင်းနိုင်ငံ၊ တာ့ခ်ခရိုင်၊ ဖုတ်ဖရမြို့နားမှာ ဩဂုတ် ၄ ရက်​ ည ၁၂ နာရီလောက်မှာ ထိုင်းစစ်တပ်က ဖမ်းဆီးလိုက်ပါတယ်။

မြန်မာနိုင်ငံသား အမျိုးသား ၂၃ ယောက် အမျိုးသမီး ၂၂ ယောက်၊ စုစု​ပေါင်း ၄၄ ယောက်ဟာ ကရင်ပြည်နယ် မြဝတီမြို့ကတဆင့် ​နယ်စပ်​သောင်ရင်းမြစ်ကို  တရားမဝင် ဖြတ်ကူးပြီး လာကြိုတဲ့ ကားကို စီးသွားချိန်မှာ ထိုင်းစစ်တပ်က ဖမ်းဆီးလိုက်တာဖြစ်ပါတယ်။

မြန်မာ-ထိုင်းနယ်စပ် ​ကျောက်ခက်ရွာက​နေ ၄၈ ကီလိုအထိ တယောက်ကို ဘတ် ၅၀၀ နဲ့ ပို့ဆောင်ပေးတာဖြစ်ပြီး  ကားရော လူပါအဖမ်းဆီးခံရတာလို့ ထိုင်း ယာဥ်​မောင်းက ပြောပါတယ်။

ဖမ်းဆီးခံ မြန်မာအလုပ်သမားတွေနဲ့ သူတို့ကိုကူညီပို့ဆောင်ပေးတဲ့ ထိုင်းနိုင်ငံသား ၄ ယောက်တို့ကို ထိုင်းစစ်တပ်က သ​က်သေအ​ထောက်အထားတကွနဲ့ ဖုတ်ဖမြို့မရဲမှာ တိုင်ကြားအမှုဖွင့် လွှဲပြောင်း​ခဲ့ပါတယ်။