ကမ္ဘာမှာ ရာသီဥတု ပြောင်းလဲမှု အရေးပေါ်အခြေအနေနဲ့ ပဋိပက္ခတွေကို ရင်ဆိုင်ဖို့ ကမ္ဘာလုံးဆိုင်ရာ စည်းလုံးညီညွတ်မှုတွေရှိရမှာ ဖြစ်တယ်လို့ ကုလသမဂ္ဂပရောဂျက်အမှုဆောင်ဒါရိုက်တာ ဒါဆေးဗားက ပြောပါတယ်။

တရုတ်မီဒီယာ CMG နဲ့ မေးမြန်းမှုမှာ ဒါဆေးဗားက ကမ္ဘာ့အရေးပေါ်ကိစ္စတွေအတွက် ဘယ်တုန်းကမှ မရှိတဲ့ စုစည်းမှုတွေ လိုအပ်တယ်လို့ အခုလို တိုက်တွန်းခဲ့တာ ဖြစ်ပါတယ်။

ဒါဆေးဗားက ဒုတိယကမ္ဘာ့စစ် နောက်ပိုင်း ကမ္ဘာ့လူဦးရေအများစုဟာ ပဋိပက္ခဇုန်ထဲမှာ ကျရောက်နေတယ်ဆိုတာကို ထောက်ပြခဲ့ပါတယ်။

ဒါ့အပြင် ရာသီဥတုပြောင်းလဲမှု အရေးပေါ်အခြေအနေတွေနဲ့ နိုင်ငံတွေရဲ့ ပဋိပက္ခတွေ ပိုပြီးတိုးပွားလာတာကိုလည်း ဒါဆေးဗားက ထပ်မံပြောဆိုထားပါတယ်။

ဒါဆေးဗားက “ကျနော်တို့ ခက်ခဲတဲ့အချိန်မှာ နေထိုင်နေရပါတယ်။ ကမ္ဘာကြီးရဲ့ ၂၅  ရာခိုင်နှုန်းမှာ နေထိုင်တဲ့လူတွေဟာ တိုက်ပွဲတွေကြားမှာ ရှင်သန်နေရပါတယ်။ ဒီလိုမျိုးဟာ ဒုတိယကမ္ဘာစစ်ပြီးကတည်းက ပထမဆုံးအကြိမ် ကြုံတွေ့ရတာပါ။ ဒါ့ကြောင့် အကြမ်းဖက်မှုတွေနဲ့ ပဋိပက္ခတွေက ပိုပြီးတိုးလာတာကို ကျနော် စိတ်ပူမိပါတယ်”လို့ ပြောပါတယ်။

ကမ္ဘာပေါ်မှာ ရာသီဥတု ပြောင်းလဲမှုတွေကြောင့် ရေကြီးတာ၊ မိုးခေါ်တာ၊ မုန်တိုင်းတိုက်တာတွေနဲ့ ပဋိပက္ခတွေကို ကုလသမဂ္ဂက အာရုံစိုက်နေပါတယ်။ 

ဒါ့ကြောင့် ကမ္ဘာလုံးဆိုင်ရာ ပူးပေါင်းမှုတွေ၊ လူသားချင်းစာနာတဲ့ ကူညီမှုတွေ၊ ဖွံ့ဖြိုးမှုဆိုင်ရာ ကြိုးစားမှုတွေနဲ့ ဒီအချက်တွေကို တုံ့ပြန်ဖို့ အရေးပေါ်လိုအပ်တယ်လို့ ဒါဆေးဗားက ထောက်ပြခဲ့တာပါ။

လက်ရှိအချိန်မှာ တကမ္ဘာလုံးရှိ လူဦးရေ ၁၀၅ သန်း ကျော်ဟာ နေရပ်စွန့်ခွာပြေးနေရကာ ကမ္ဘာ့လူဦးရေရဲ့ ၄ ပုံ ၁ ပုံဟာ ပဋိပက္ခတွေအောက်မှာ နေထိုင်နေရတယ်လို့ ဆိုပါတယ်။ 

Source: Reuters