မန်ချက်စတာယူနိုက်တက်အသင်းဟာ ဥရောပချန်ပီယံ ပီအက်စ်ဂျီအသင်းက ဂိုးသမား ဒွန်နာရမ်မာကို ခေါ်ယူဖို့ မေးမြန်းစုံစမ်းခဲ့တယ်လို့ သိရပါတယ်။

ဂိုးသမား တွန်ဟတ်တန်ကို ထွက်ခွာခွင့်ပြုပြီးနောက် ဂိုးသမားသစ်တယောက် ခေါ်ယူဖို့ မန်ယူအသင်းက စီစဉ်ထားတာပါ။

ဒါ့အပြင် ဂိုးသမား အိုနာနာရဲ့ လက်စွမ်းကို စိတ်တိုင်းမကျ ဖြစ်နေတာကြောင့် ဒွန်နာရမ်မာကို ခေါ်ယူဖို့ ချိတ်ဆက်ခဲ့တာဖြစ်တယ်လို့  ESPN သတင်းမှာ ဖော်ပြပါတယ်။

ဒါပေမဲ့ ပီအက်စ်ဂျီအသင်းဘက်က အလွယ်တကူ လက်လွှတ်ဖို့ မရှိတာကြောင့် မန်ယူအသင်းအတွက် ခေါ်ယူဖို့ အခက်အခဲရှိနိုင်တယ်လို့ သိရပါတယ်။

ဒွန်နာရမ်မာနဲ့ အဆင်မပြေဘူးဆိုရင် ဗီလာဂိုးသမား မာတီနက်ဇ်ကိုလည်း ခေါ်ယူလိုနေတယ်လို့ သိရပါတယ်။

အသက် ၂၆ နှစ်ရှိ အီတလီဂိုးသမား ဒွန်နာရမ်မာဟာ ၂၀၂၁ ခုနှစ်ကတည်းက အေစီမီလန်ကနေ ပြောင်းရွှေ့လာသူဖြစ်ပြီး ပီအက်စ်ဂျီအတွက် စုစုပေါင်း ပွဲ ၁၅၀ ကျော် ကစားထားပါတယ်။

Photo: Reuters