ဘုန်းမောက် နောက်ခံလူ ဟတ်ဆန်ကို ပေါင်သန်း ၅၀ ဖြင့် ရီးရဲလ်မက်ဒရစ်ခေါ်ယူ
DVB
·
June 11, 2025
ရီးရဲလ်မက်ဒရစ်အသင်းဟာ ဘုန်းမောက်နောက်ခံလူ ဒိန်းဟတ်ဆန်ကို ပေါင်သန်း ၅၀ နဲ့ တရားဝင် ခေါ်ယူလိုက်ပါတယ်။
အသက် ၂၀ နှစ်ပဲရှိသေးတဲ့ နယ်သာလန်ဖွား လူငယ်နောက်ခံလူဟာ ဂျူဗင်တပ် အကယ်ဒမီ ကနေ ပေါ်ထွက်လာသူပါ။
နယ်သာလန် ယူ-၁၇၊ ယူ-၁၈နဲ့ ယူ-၁၉အသင်းတွေမှာ ပါဝင်ကစားခဲ့ပေမဲ့ ၂၀၂၅ ခုနှစ်ကစတင်ပြီး စပိန်နိုင်ငံကို ကိုယ်စားပြု ရွေးချယ်ခဲ့တာပါ။
ရီးရဲလ်အသင်းရဲ့ ကမ်းလှမ်းမှု ရရှိချိန်မှာ တခြားအသင်းတွေကို စိတ်မဝင်စားတော့ဘဲ အလွယ်တကူလက်ခံခဲ့တာလို့ အသင်းနဲ့ တရားဝင်စာချုပ်ချုပ်ဆိုအပြီးမှာ ဟတ်ဆန်က ပြောပါတယ်။
ကျောနံပါတ် ၂၄ ဝတ်ဆင်မယ့် ဟတ်ဆန်ဟာ စပိန်လက်ရွေးစင်အသင်းကြီးမှာလည်း ရွေးချယ်ခံထားရသူပါ။
ဟတ်ဆန်ဟာ နည်းပြသစ်ဇာဗီအလွန်ဆိုရဲ့ မက်ဒရစ်နည်းပြဘဝ ပထမဆုံးခေါ်ယူမှု ဖြစ်လာခဲ့ပါတယ်။
Photo: Reuters
