ဆောက်သမ်တန်အသင်းဟာ ပွဲစဉ် ၃၁ အပြီးမှာပဲ တန်းဆင်းခဲ့ရလို့ ပွဲအရေအတွက် အနည်းဆုံးနဲ့ တန်းဆင်းရတဲ့အသင်းအဖြစ် စံချိန်တင်သွားပါတယ်။
မနေ့ညက ကစားခဲ့တဲ့ ပွဲစဉ် ၃၁ မှာ စပါးအသင်းကို အဝေးကွင်းမှာ ၃ ဂိုး ၁ ဂိုးနဲ့ ရှုံးနိမ့်ခဲ့ပြီးနောက် အဆင့် ၁၇ နေရာက ဝုဗ်နဲ့ ၂၂ မှတ်အထိ ကွာဟသွားတာကြောင့် တန်းဆင်းဖို့ သေချာသွားခဲ့တာပါ။
၃၁ ပွဲအပြီးမှာ ၂ ပွဲသာ အနိုင်ရပြီး ရမှတ် ၁၀ မှတ်သာ ရရှိခဲ့တဲ့ ဆောက်သမ်တန်အသင်းဟာ ပရီးမီးယားလိဂ်သမိုင်းမှာ ရလဒ်အဆိုးရွားဆုံးအသင်းတသင်းဖြစ်ခဲ့ပြီး ပေးဂိုးအများဆုံးနဲ့ ရဂိုးအနည်းဆုံး အသင်းအဖြစ်လည်း မှတ်တမ်းဝင်ပါတယ်။
ပရီးမီးယားလိဂ်မှာ မှတ်တမ်းအဆိုးရွားဆုံးအသင်းဖြစ်တဲ့ ဒါဘီကောင်တီအသင်းနဲ့ ဟတ်ဒါဖီးလ်တောင်း အသင်းတွေဟာ ပွဲစဉ် ၃၂ အပြီးမှသာ တန်းဆင်းခဲ့ရတာကြောင့် ဆောက်သမ်တန်အသင်းက ပွဲအရေအတွက်အနည်းဆုံးနဲ့ တန်းဆင်းရတဲ့အသင်းအဖြစ် စံချိန်သစ်တင်သွားတာ ဖြစ်ပါတယ်။
