ချဲလ်ဆီးကွင်းလယ်လူဟောင်း ကန်တေ ဘက်ဆစ်တပ်အသင်းဆီ ပြောင်းရွှေ့ရန် နီးစပ်
DVB
·
April 4, 2025
ချဲလ်ဆီးကွင်းလယ်လူဟောင်း အန်ဂိုလိုကန်တေဟာ မန်ယူနည်းပြဟောင်း ဆိုးလ်ရှား တာဝန်ယူနေတဲ့ ဘက်ဆစ်တပ်အသင်းဆီ ပြောင်းရွှေ့ဖို့ နီးစပ်နေပါတယ်။
ပြင်သစ်လက်ရွေးစင်ကစားသမားဟာ ဆော်ဒီပရိုလိဂ်ကလပ် အယ်လ်အစ်တီဟတ်မှာ ၂ ရာသီကြာ ကစားလျက်ရှိပြီး ဥရောပဆီပြန်လာဖို့ ဆန္ဒရှိနေတာပါ။
နည်းပြဆိုးလ်ရှားဟာ ပြီးခဲ့တဲ့ ဇန်နဝါရီလကတည်းက ဘက်ဆစ်တပ်အသင်းကို စတင် တာဝန်ယူခဲ့ပြီး ကန်တေကို ခေါ်ယူဖို့ ပစ်မှတ်ထားနေတာပါ။
ဆိုးလ်ရှားနဲ့ ကန်တေတို့ ၂ ယောက်ကြားမှာ အပြောင်းအရွှေ့အတွက် ဆွေးနွေးပြောဆိုမှုတွေ လုပ်ဆောင်ထားပြီး ဖြစ်တယ်လို့ သိရပါတယ်။
ကန်တေ အနေနဲ့ ဘက်ဆစ်တပ်ဆီ ပြောင်းရွှေ့မယ်ဆိုရင် ဆော်ဒီလိဂ်မှာလောက် လုပ်ခလစာ ရရှိမှာမဟုတ်ပေမဲ့ ဥရောပဆီ ပြန်လာချင်တာကြောင့် လုပ်ခလျော့နည်းရရှိမယ့် အခြေအနေကို လက်ခံသဘောတူထားတယ်လို့ သိရပါတယ်။
