အာဆင်နယ်အသင်းဟာ ချဲလ်ဆီးအသင်းထက်ပိုကောင်းခဲ့တာကြောင့် အနိုင်ရလဒ်နဲ့ ထိုက်တန်ကြောင်း နည်းပြ အာတေတာက ပြောသွားပါတယ်။
အာဆင်နယ်ဟာ မနေ့ညက ကစားခဲ့တဲ့ချဲလ်ဆီးနဲ့ လန်ဒန် ဒါဘီပွဲစဉ်မှာ မယ်ရီနိုရဲ့ ခေါင်းတိုက်သွင်းဂိုးနဲ့ အနိုင်ရရှိခဲ့တာပါ။
ပွဲချိန်နောက်ပိုင်းမှာ ချဲလ်ဆီးက ချေပဂိုးပြန်ရနိုင်မယ့် အခွင့်အရေးတွေရရှိခဲ့သည့်တိုင် အာဆင်နယ်က ပိုကောင်းတဲ့အသင်းဖြစ်ခဲ့ပြီး အနိုင်ရလဒ်နဲ့လည်း ထိုက်တန်ကြောင်း နည်းပြအာတေတာက ပွဲအပြီးမှာ ပြောပါတယ်။
ပထမပိုင်းမှာ ဒေးဗစ်ရေယာရဲ့ ကာကွယ်မှုတကြိမ်ကလွဲရင် ချဲလ်ဆီးအသင်းကို ဂိုးပေါက်ကန်သွင်းတွေ များများ စားစားမပေးခဲ့ရကြောင်း၊ ချဲလ်ဆီးအသင်းက ပရီးမီးယားလိဂ်ရဲ့ တိုက်စစ်အကောင်းဆုံးအသင်း တသင်းဖြစ်ကြောင်းလည်း နည်းပြအာတေတာ က ပြောသွားပါတယ်။
အာဆင်နယ်ဟာ ဒီနိုင်ပွဲကြောင့် အဆင့် ၁ ကလီဗာပူးနဲ့ ၁၅ မှတ်ကွာဟမှုကနေ ၁၂ မှတ်အထိ လျှော့ချနိုင်ခဲ့ပါတယ်။
Photo-Reuters
