မလေးရှား ဂက်စ်ပိုက်လိုင်းယိုစိမ့် မီးလောင်ပြီး လူ ၃၃ ဦး ဒဏ်ရာရ
DVB
·
April 1, 2025
မလေးရှားနိုင်ငံပိုင် Petronas စွမ်းအင်ကုမ္ပဏီက လည်ပတ်နေတဲ့ ဓာတ်ငွေ့ပိုက်လိုင်း မီးလောင်မှု ဖြစ်ပွားခဲ့ပြီး ဧပြီ ၁ ရက်က ကွာလာလမ်ပူမြို့ ဆင်ခြေဖုံးမှ လူ ၃၃ ယောက် ထိခိုက်ဒဏ်ရာရခဲ့ကြကြောင်း အာဏာပိုင်တွေက ပြောပါတယ်။
ဒဏ်ရာရသူ ၆ ယောက်ကို ဆေးရုံပို့ဆောင်ခဲ့ကြောင်း ဆီလန်ဂေါ မီးသတ်ဌာန ဒါရိုက်တာ ဝမ်န် မဒ်ရာဇာလီ ဝမ်အစ္စမိုင်က အက်စ်ထရို အဝါနီ အသံလွှင့်ရုံကို ပြေကြားခဲ့ပြီး မီးငြှိမ်းသတ်နိုင်ရေးအတွက် ကြိုးပမ်းဆောင်ရွက်နေကြောင်းလည်း ဆိုပါတယ်။
ကမ်ပုန်ကွာလာဆူငိုင်ဘာရူး နယ်မြေမှာ နေအိမ်တွေထဲ ပိတ်မိနေသူတွေရှိပြီး ကယ်ဆယ်ရေး လုပ်ငန်းတွေ ဆောင်ရွက်နေတယ်လို့ ဆီလန်ဂေါ သဘာဝဘေးအန္တရာယ်စီမံခန့်ခွဲမှုကော်မတီဥက္ကဋ္ဌ မိုဟာမဒ် နာဂျ်ဝမ်န် ဟာလိမီက နိုင်ငံပိုင်သတင်းဌာန Bernama ကို ပြောကြားခဲ့ပါတယ်။
Source: Reuters
