စစ်ကောင်စီဗဟိုဘဏ်က အမေရိကန်ဒေါ်လာ သန်း ၄၀ ကို စက်သုံးဆီလုပ်ငန်းရှင်တွေအတွက် ထပ်မံထုတ်ရောင်းချပေးမယ်လို့ မတ် ၃၁ ရက်က ကြေညာပါတယ်။
ပြီးခဲ့တဲ့ မတ် ၂၅ ရက်ကလည်း စက်သုံးဆီလုပ်ငန်းရှင်တွေအတွက် အမေရိကန် ဒေါ်လာ ၃၅ သန်းကို ဗဟိုဘဏ်က ထုတ်ရောင်းခဲ့ပါသေးတယ်။
ဗဟိုဘဏ်အနေနဲ့ စက်သုံးဆီကဏ္ဍအတွက် နိုင်ငံခြားငွေတွေကို ခုလို မကြာခဏ ထုတ်ရောင်းချပေးနေတာက ဒေါ်လာနဲ့ စက်သုံးဆီဈေးကြီးမြင့်တာကို ထိန်းချုပ်နိုင်ဖို့ ရည်ရွယ်တာဖြစ်နိုင်တယ်လို့ စီးပွားရေး လေ့လာစောင့်ကြည့်သူတွေက သုံးသပ်ကြပါတယ်။
လက်ရှိမှာလည်း မြန်မာကျပ်ငွေနဲ့ ဒေါ်လာငွေလဲနှုန်းက ဈေးနှုန်းပြန်ကျဆင်းနေပြီး အမေရိကန် တဒေါ်လာကို ၄၄၃၀ ကျပ် ပေါက်ဈေးရှိနေပါတယ်။
ပြည်တွင်း ဓာတ်ဆီဈေးတွေကတော့ ဒေါ်လာဈေးကျပေမဲ့ ကမ္ဘာရေနံစိမ်းဈေး မြင့်နေတာကြောင့် ပြန်တက်ရိပ်ပြနေပါတယ်။
စက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီရဲ့ ဈေးနှုန်း ထုတ်ပြန်ချက်အရ အခုတပတ်မှာ ၉၂ တလီတာကို ၃,၀၀၀ ကျပ်၊ ၉၅ တလီတာ ၃,၀၅၀ ကျပ်ရှိပြီး ဒီဇယ်တလီတာကို ၂,၅၈၀ ကျပ်နဲ့ ပရီမီယံဒီဇယ် တလီတာကို ၃,၁၉၀ ကျပ် အသီးသီး ရှိနေပါတယ်။
အနှစ်
